Ema Estranjeiru Presiza Moeda Sentavu Ida

0
161
Foto/Google.

DILI, (TATOLI) – Governadór Banku Sentrál Timor-Leste (BSTL), Abraão de Vasconselos hatete sirkulasaun osan sentavu ida (um centavo) iha Timor-Leste uitoan maibé iha estranjeiru ema buka barak liu tanba kolletór koin nian presiza sentavu Timor-Leste nian.

“Um centavo barak liu ne’e iha Alemaña, Olanda mak barak. Ema fa’an hanesan kolesaun, koin para atu koleksi, to’o sira mai hameno to’o 13 juta um centavo nian keping haruka bá iha Europa”, Abraõ informa iha BSTL, ohin.

Governadór ne’e hatutan sirkulasaun sentavu ida nia demanda ladún boot hanesan denominasaun sira seluk hanesan sentavu 25, 50 no 100. ”Ida estudante sira barak presiza mak centavo dez no cinco ne’e”.

Maski demanda sentavu ida laboot maibé BSTL kontinua prodús nafatin  mas presiza haree nian nesesidade demanda ba sentavu ida iha ka la’e.

“Mas montante ne’ebé agora daudaun iha hela casa forte Banco Central ne’e mais de sufisiente  karik nesesidade iha”.

Tanba demanda sentavu ida ladún barak iha ekonomia, nune’e BSTL enkoraja bainhira bá loja mak volta fali sentímu 16 mak fó fali rebuxadu ida labele simu no tenke ezije hodi fó duni séntimu 16.

“Kuandu hanesan ne’e mak obriga sira para uza ida um centavo ne’e, kuandu ita hotu dehan fó de’it rebuxadu ka sigaru loloon ida mai, ida ne’e la ajuda ida tanba ne’e mak sirkulasaun um centavo ladún barak”.

Jornalista: Maria Auxiliadora

Editora: Rita Almeida

HUSIK IDA HATÁN