Dom Basílio : Agora Presiza Responde Nesesidade Bázika

0
135
Kaer liman hafoin asina akordu anuál subvensaun husi Primeiru-Ministru, Rui Maria de Araújo ho Prezidente Conferência Episcopal Timorense, Dom. Basílio do Nascimento.

DILI (TATOLI)—Dezenvolvimentu Timor-Leste ohin loron nian, entre implementasaun mega projetu ho projetu ne’ebé responde nesesidade bázika, Bispu Dioseze Baukau, Dom Basílio do Nascimento, prefere liu responde nesesidade bázika povu nian, hafoin investimentu sira boot.     

“Entre rua ne’e importante hotu, maibé ha’u ka’er ba prioridade, entre projetu rua ne’e hatán ba nesesidade povu tomak nian ka hatán de’it ba situasaun ida,” Dom Basílio do Nascimento kestiona bainhira hatán ba pergunta Ajénsia TATOLI iha biban hasoru malu iha Supermerkadu Pâtéo, Kuarta (13/09) lokraik.

Bibi atan ne’e dehan, projetu boot bele. Maibé mai halakon hamlaha interrogasaun, mai fó kondisaun minima ba ema hotu-hotu, entaun ita bele dehan ohin loron hadi’a lurun sira be iha ne’e hodi fó biban ba ema atu la’o beibeik ka, di’ak liu halo auto estrada.

Klaru que, tuir Bispu auto estrada ita presiza, maibé auto estrada ohin loron ne’e serve ba se, no hodi halo saida.

Bazeia ba pergunta ne’e, Nia kompara katak, auto estrada iha malae nia rain selu sira nia an rasik durante tinan barak, agora se ita halo estrada haree ba realidade ita nia karreta ida rihun atus rua ka rihun atus tolu de’it, maibé lubuk ida metin hotu Dili, oinsá mak auto estrada ne’e bele selu nia an, se auto estrada ne’e halo fali tiha iha Costa súl.

Tan ne’e, Dom Basílio fó hanoin, iha momentu ida agora ne’e, tuir Nia hanoin, di’ak liu mak projetu hirak ne’ebé hatán lais liu ba povu nia nesesidade, ezemplu irrigasaun hodi responde nesesidade bázika povu nian, hafoin hanoin investimentu sira boot.

(Reportajen : Manuel Pinto)

 

HUSIK IDA HATÁN