Deputadu PLP Husu Governu Tau Atensaun ba Eletrisidade

1
125
Merício Juvenal.

DILI, (TATOLI) – Deputadu Merício Juvenal husi bankada Partidu Libertasaun Populár (PLP) hateten apresia ba governu anterior tanba konsege responde asesu eletrisidade iha teritótiu tomak maibé seidauk bele kobre iha fatin balun iha área remotas.

“Iha fatin balun, suku no aldeia agora sei eziji asesu ba eletrisidade maibé ladun hetan atensaun, sira fó hanoin ba ami nu’udar deputadu atu fó atensaun nafatin ba governu, tanba ne’e hakarak informa ba governu liuhosi plenária ida ne’e, atu tau atensaun no koresponde nesesidade hirak ne’e”, tenik iha plenária, tersa (26/9).

Hodi fó informa, fatin lubuk hanesan Bazartete, suku Metagou liu-liu aldeia Wetilili seidauk hetan asesu eletrisidade nune’e mós iha Lautem, suku Kainleu, aldeia Lariu ne’ebé populasaun kuaze 300 resin to’o agora seidauk asesu eletrisidade.

Nune’e mós, fatin balun hanesan Ossu, Nahareka, Waibobo, Osorua no Liaruka mós seidauk bele asesu eletrisidade hanesan mós iha Same, Watotu, Holaroa no Tensoa.

“Ami lakohi dehan katak sei hetan problema bot iha eletrisidade maibé atu dehan katak kuandu seidauk bele kobre hotu, ida ne’e hanesan diskriminasaun ne’ebé akontese nafatin tanba ko’alia konaba asesu eletrisidade tenke ba ema hotu husi sidade to’o área remotas no aldeia sira”, afirma.

tuir nia tempu ona, fatin hirak ne’e maske iha populasaun oituan maibé sira ne’e povu Timor no iha direitu hanesan povu ne’ebé hela iha Dili.

Populasaun iha aldeia ne’ebé uma kain oituan mós iha direitu hanesan sidadaun seluk, tanba ne’e husu ba ministéria relevante sebele tun ba terenu atu hare fatin refere atu fó atensaun imediata.

Jornalista: Julia Chatarina

Editora: Rita Almeida

1 COMMENT

HUSIK IDA HATÁN