Deputadu Nain Haat Hosi Bankada CNRT Substitui Kargu

0
3384

DILI, (TATOLI) – Hafoin simu posse nu’udar deputadu ba lejislatura da-haat iha tersa (6/9), deputadu haat hosi bankada Kongresu Nasionál Rekonstrusaun Timor (CNRT-sigla portugés) substitui sira nia kargu ba deputadu seluk husi partidu ne’e.

Leitura ne’ebé lé hosi sekretária meza Parlamentu Nasionál (PN), Fernanda Lay ba sustituisaun ne’e mak deputadu Kay Rala Xanana Gusmão mak Arão Noe de Jesus Amaral, Francisco Kalbuady Lay mak Domingos Carvalho Araújo, Francisco da Costa Guterres mak Jacinto Viegas Vicente no Júlio Tomas Pinto mak Veneranda Martins.

Hafoin leitura ne’e, deputadu haat ne’ebé sustitui hola kedas parte iha sesaun plenária to’o akompaña prosesu votasaun ba kandidatu Prezidente Parlamentu Nasionál

Partidu ne’ebé mak hetan asentu iha uma fukun mak Frente Revolusionáriu Timor-Leste Indepéndente (FRETILIN) ho kadeira 23, CNRT  ho kadeira 22, Partidu Libertasaun Populár (PLP) ho kadeira ualu, Partidu Demokráriku kadeira hitu no Kmanek Haburas Unidade Nasionál Timor Oan (KHUNTO) kadeira lima.

Jornalista: Julia Chatarina

Editora: Rita Almeida

HUSIK IDA HATÁN