Deputadu Bankada FRETILIN Preokupa Dívida Estadu

0
432
Parlamentu Nasionál. Foto Relasaun Públika PN

DILI, (TATOLI) – Deputadu hosi bankada Frente Revolusionariu Timor-Leste Indepéndente (FRETILIN), Aurélio Freitas preokupa dívida Estadu ne’ebé kontinua aumenta.

“Ida ne’e mak ita hotu nia responsabilidade no proukupasaun, liu-liu ha’u nia maluk deputadu sira iha liur ita rona ema ko’alia barak no lori mai parlamentu kombate kestaun ne’e, labele ita mai hamutuk atu suporta buat ne’ebé la loos”, hato’o deputadu ne’e iha sesaun plenária, tersa (19/9).

Hodi haktuir, iha fulan hirak liuba PN aprova orsamentu retifikativu ho montante US$320 milloen resin atu selu dívida Estadu ho totál projetu 94, maibé kontinua aumenta.

“Ita nia osan husi fundu petrolíferu iha US$16,5 maibé sei ita hasai selu dívida kala hela de’it hira, se mak atu responsabiliza tusan ida ne’e, governu agora, ida ne’e responsabilidade Estadu no governu agora tenke asume responsabilidade maibé presiza ita haree se mak halo ida ne’e”, afirma.

Akresenta tan, sei foti orsamentu US$1,5 billoen hanesan tinan-tinan uluk, previzaun atu selu tusan ne’e to’o tinan 2019, entaun kuaze orsamentu ne’ebé aprova atu selu tusan de’it.

Jornalista: Julia Chatarina

Editora: Rita Almeida

HUSIK IDA HATÁN