Aniceto : Saudasaun ! Xanana-Alkatiri

2
1911

DILI (TATOLI)—Prezidente Parlamentu Nasionál Eleitu, Aniceto Guterres hato’o saudasaun no agradesimentu espesiál ba maun boot Kay Rala Xanana Gusmão ho Mari Alkatiri ba sira Nain rua nia partisipasaun.

“Ha’u tenta atu komprende kona-bá signifikadu hosi konfiansa ida ne’e, tanba votasaun ne’ebé foin liu daudaun ne’e, la’o duni ho prezensa no partisipasaun ativa hosi maun boot sira ka fundadór nasaun Timor-Leste nian : Maun Boot Kay Rala Xanana Gusmão, Maun Boot Mari Alkatiri. Ba sira ha’u hato’o saudasaun no agradesimentu espesiál,” Aniceto Guterres hato’o iha nia diskursu hafoin eleitu nu’udar Prezidente Parlamentu Nasionál ba IV Lejizlatura, Tersa (05/09).

Tuir Aniceto konfiansa ne’ebé nia hetan, signifika responsabilidade ba nia no ba nia jerasaun foun. Nune’e nia sei ka’er metin responsabilidade ida ne’e.

Partidu FRETILIN hanesan partidu ida ne’ebé Aniceto hadomi tebes. Ba Fretilín nia la haluha mós hato’o nia saudasaun espesiál tanba iha rezultadu eleisaun hatudu katak Fretilín nu’udar partidu mais votadu.

“Imi hotu nia matenek no maturidade, konstitui orgullu boot povu no nasaun Timor-Leste nian iha mundu,” Aniceto apresia.

Hodi kontinua fó omenajen pesoál ba deputadu, titulares lejitimus mandatu demokrátiku. No ilustre antesesor sira iha fatin as prezidénsia Parlamentu hahú hosi Francisco Guterres Lú Olo, Saudozu Fernando La Sama de Araújo, Vicente Guterres ho Aderito Hugo da Costa.

(Ekipa Kobertura)              

2 COMMENTS

  1. Parabens ba Presidente Parlemento ho nia Membro Deputadu/a foun 2017-2022.
    Husu ita bot sira, atu uja fiar nebe povu ho didiak, atu nee bele sai servidor povu ho diak iha tinan 5 nee nia laran.
    Povu persisa duni ita bot sira nia didikasaun hodi servi tuir Konstituisaun haruka. hamenus intrese egois, no.intrese patridarizmo iha prosesu foti Dezisaun politika ba intreses nasional. parabens e bom trabalho e bom suksesu..!!

HUSIK IDA HATÁN