DILI, (TATOLI) – Ministru Administrasaun Estatál, Valentim Ximenes hateten lian nain hosi munisípiu Lautem, Ermera, Bobonaro, Maun Fahi, Rejiaun Administrasaun Espesiál Ambeno Oe-Cuse (RAEAO) inklui Dili, kuarta (27/9) aban, sei realiza seremonia ritúal hodi loke dalan ba Primeiru Ministru, Mari Alkatiri atu túr fali iha Palásiu Governu.
ʺAban lokraik tuku 17.00 lia nain sira sei hamos fila fali fatin Palásiu Governu para Primeiru Ministru ba hola fatin iha Palásiu Governuʺ, dehan nia ba jornalista sira iha Palásiu Nobre Lahane, ohin.
Lia nain sira ne’e sei reprejentante hosi munisípiu hitu seluk ba programa ritúal ne’e rasik. “Lia nain sira mai atu hasai fali juramentu ne’e para fó fali matak malirin tuir lisan no kultura Timor nianʺ, hatutan.
Primeiru Ministru, Marí Alkatiri sei okupa fali Palásiu Governu antes semana oin hodi hala’o servisu.
Kultura ne’e sei hala’o hodi dada hikas juramentu ne’ebé halo iha 2006.
Jornalista: Agapito dos Santos
Editora: Rita Almeida
