Xanana Apsen, Alkatiri : Ha’u Lahirus

0
2915
Kay Rala Xanana Gusmão

DILI (TATOLI)—Sekretáriu Jerál FRETILIN Dr. Mari Alkartiri la-sente hirus tan Prezidente CNRT Kay Rala Xanana Gusmão la-partisipa “apsen” iha reniaun formál  aprosimasaun polítika ba formasaun governu.

“Ha’u la’ós sente fali katak Prezidente Xanana la-mai ne’e ha’u tenki hirus. Lae, ba ha’u normál ,” Mari Alkatiri fó sai ba jornalista sira hafoin enkontru ho lideransa CNRT iha Ótel Novu Turismu, ohin.

Sekretáriu Jerál FRETILIN Dr. Mari Alkartiri ho Sekretáriu Jerál CNRT, Francisco Kalbudi Lay ko’alia ho jornalista sira

Xanana la-marka prezensa tuir Mari Alkatiri, ida ne’e kabe ba partidu ida-idak nia prosedementu, ne’ebé merese fó respeitu.

“Aban bainrua ha’u haruka adjunto mak ba ko’alia  mós sira tenki simu, agora ne’e ha’u hakarak mai rasik tanba konvite ha’u mak hakerek tan ne’e ha’u mai rasik para atu rona,” Alkatiri haktuir.

Biar nune’e, Sekretáriu Jerál FRETILIN ne’e afirma iha tempu badak FRETILIN sei forma governu.

“Iha ne’e ha’u hakarak hatete kedas katak, FRETILIN sei forma governu,” Alkatiri afirma.

Iha fatin hanesan Sekretáriu Jerál CNRT, Francisco Kalbudi Lay responde katak, partidu CNRT ne’e, partidu kolektivu nune’e delegasaun ne’ebé mak halo enkontru ho FRETILIN ne’e deside hosi enkontru.

(Manuel Pinto)

HUSIK IDA HATÁN