Tribunál Fó Ona Vistu ba Kompañia Hyundai

0
493
Prezidente Tribunál Rekursu foun, Deolindo dos Santos bainhira halo intervista ho jornalista sira iha Palásiu Prezidensiál. Foto Tatoli/Antonio Goncalves

DILI, (TATOLI) – Prezidente Tribunál Rekursu, Deolindo dos Santos klarifika, tribunál fó ona vistu ba kompañia Hyundai Engineering and Construction hanesan kompañia internasionál husi Korea Súl ne’ebé halo projetu iha Tasi Mane nian.

Hyundai Engineering and Construction nu’udar kompañia ida ne’ebé manán tender ba projetu tasi mane ho valór orsamentu milliaun U$719.

“Prosesu tolu ne’e hasai iha dia 7 jullu, fulan ida liubá, desizaun tolu mak hasai hotu ona, desizaun rua mak konfirma desizaun Tribunál Rekursu nian iha primeira instánsia no iha ida mak anula desizaun primeira instánsia nian ne’ebé konsege rejistu ba rekursu governu nian”, informa Deolindo iha Palásiu Governu, ohin.

Prezidente ne’e esplika, anula desizaun iha primeira instánsia signifika fó vistu ba kontratu ne’ebé governu selebra ho kompañia ne’e.

Desizaun tolu ne’e mak direitu ba tasi mane nian, prosesu kona-ba empréstimu husi China Exim Bank no konstrusaun kona-ba drainazen Dili laran.

Antes ne’e, Tribunál Kámara Konta rezeita vistu ne’ebé Governu fó ba kompañia tanba kontratu ne’ebé governu halo liuhusi Ministériu Petróleu Rekursu no Minerál (MPRM)  ho Hyundai mosu irregularidade tanba konsidera viola lei aprovizionamentu.

Jornalista: Maria Auxiliadora

Editora: Rita Almeida

HUSIK IDA HATÁN