Tranzasaun BRI Hatudu Kresimentu

0
300

DILI (TATOLI) – Diretór Finanseiru Bank Rakyat Indonézia (BRI), Haru Koesmahargyo hateten ho populasaun Timor-Leste (TL) ne’ebé ladun barak maibé BRI iha ona kliente lokál 20.000, ida ne’e sinal pozitivu depois lansa iha 14 marsu liuba.

Tanba ne’e, nia estimasaun BRI sei haree fali investimentu sukursál TL ba tinan rua ka tolu ba oin. Antes ne’e BRI fó sai katak sira sei aloka Rp30  to’o Rp50 billoen (USD$3 milloen).

Sita husi Indonézia Investments, relatóriu finanseira ikus BRI nian (juñu 2017), sukursál TL lista ona totál reseita Rp161 milloen (USD$12.000). Maibé, husi lukru antes kona empostu, lakon Rp2,36 milloen. Total kapitál sukursál hamutuk Rp101,86 billoen, enkuantu totál obrigatóriu hamutuk Rp104,23 billoen.

BRI hanesan banku boot iha Indonézia iha termu kapitál, iha sukursál tolu iha Cayman, Singapura no TL. Eskritóriu reprezentativa rua iha Hongkong no Nova Iorke. Tuir informasaun, tinan oin BRI hakarak aumenta eskritóriu reprezentativa iha Hongkong.

Antes ne’e, Jenerál Manager BRI, B. Bernandus Nadapdap hateten, investe iha TL tanba iha akordu entre líder Timoroan no Indonézia, nomós BRI nu’udar banku Estadu Indonézia ne’ebé antes timor ukun-án BRI investe ona iha TL, tanba ne’e hatene liu nesesidade populasaun TL.

Razaun seluk, tamba banku seluk ne’ebé investe ona iha TL menus fó kréditu ba empreza nível intermediáriu no populasaun ki’ik. Tanba ne’e mak Governu TL no BSTL (Banku Sentrál Timor-Leste) sujere ba BRI hodi investe.

Produtu ne’ebé BRI oferese mak depózitu, kréditu no servisu trasferénsia osan.

Jornalista: Julia Chatarina

Editora: Rita Almeida

HUSIK IDA HATÁN