Tempu Badak ANPM Sei Atribui Lisensa ba Kompañia Balun

0
113
Prezidente ANPM, Gualdino do Carmo da Silva.

DILI, (TATOLI) – Prezidente Autoridade Nasionál Petróleu no Minerál (ANPM), Gualdino do Carmo da Silva informa, ANPM seidauk fó lisensa ba kompañia balun tanba kestaun fatin maibé tempu badak kompañia tolu ka haat ne’ebé prienxe ona kritériu sei atribui lisensa ba sira.

“Molok atu halo aprovasaun no fó lisensa, primeiru tenke iha aprovasaun ba fatin, aleinde fatin iha mós rekezitu seluk ne’ebé mak kompañia sira tenke prienxe. Dalabarak kolega sira halo serbisu no dalaruma iha oportunidade ita tuun haree iha buat ruma tenke hadi’a”, Gualdino hatete iha Bairru Hudi-Laran, horisehik.

Aleinde fatin, iha kestaun tékniku balun ne’ebé kompañia seidauk prienxe. Maibé bainhira rekezitu sira ne’e prienxe ona ANPM bele fó linsesa.

“Maibé iha tempu badak balun sei hetan lisensa, sira ne’ebé mak sei presiza tempu ita sei fó tempu tan. Iha kompañia tolu ka haat hanesan ne’e mak ita sei fó. Balun iha Dili no balun iha Munisípiu”.

Jornalista: Maria Auxiliadora

Editora: Rita Almeida

HUSIK IDA HATÁN