Semana Oin Plenária Ikus Lejislatura Da-Tolu

0
53
Primeiru Ministru ho Prezidente Parlamentu Nasionál bainhira hasoru malu iha ámbite hato'o agradesementu durante servisu hamutuk. Foto GPM

DILI, (TATOLI) –  Plenária ikus ba lejislatura da-tolu maka segunda, (21/8) semana oin no ofisialmente ensera atu deputadu eleitu hosi partidu haat bele priénse fali kadeira ba lejislativa da-haat nian.

“Parlamentu Nasionál (PN) ajenda ona última lejislatura da-tolu iha loron 21 semana oin, hahú loron dahuluk lejislatura da-haat nian”, informa Prezidente Parlamentu Nasionál, Aderito Hugo da Costa hafoin hasoru malu ho Primeiru Ministru, Rui Maria de Araújo iha PN, ohin.

Maske nune’e, iha loron 21 konsidera data fiksu maibé depende ba aseitasaun hosi negosiasaun tanba hela de’it loron hira ona, kuandu negosiasaun di’ak ona no seriu signifika ita hotu bele hatene iha loron determinadu.

Tuir nia, preparasaun tékniku PN nia kompletu ona, semana ne’e hasai konvite ba bankada foun lima hanesan partidu Frente Revolusionariu Timor-Leste Indepéndente (FRETILIN), Kongresu Nasionál Rekonstrusaun Timor (CNRT-sigla portugés), Partidu Libertasaun Populár (PLP), Partidu Demokrátiku (PD) no Kmanek Haburas Unidade Nasionál Timor Oan  (KHUNTO) ne’ebé hetan asentu parlamentár.

“Teknikamente PN prepara ona no kombina ho sekretariadu hosi PN hodi halo preparasaun sira kona-ba tomada pose iha 21, regra substituisaun deputadu, ezemplu deputadu eleitu labele mai hetan tomada pose oinsá no mekanizmu substituisaun deputadu nian”, hateten nia.

Nia hatutan, ajenda dahuluk hafoin tomada pose mak aprezentasaun kandidatu ba prezidente PN, enkuantu prosesu negosiasaun agora la’o ho di’ak, entaun iha 21 hatene ona se mak atu aprezenta pakote kandidatu, depois tama kedas ba ajenda eleisaun ba prezidente parlamentu foun no membru meza foun.

Enkuantu, PN prepara ona kondisaun atu deputadu lejislatura da-haat mai tenke iha dinámika parlamentár.

Entretantu, funsaun komun balun ‘orgaun lejizlativu nia mak halo desizaun polítika (policy) signifika polítika esterna no interna ne’ebé afeta povu nia moris, lejizlasaun signifika tradisionalmente halo lei sira mak hanesan funsaun prinsipál husi órgaun Parlamentu Nasionál.

Maske nune’e, tuir evolusaun teoria no pratika governasaun, Parlamentu Nasionál mos fahe funsaun importante ida ne’e ho órgaun ezekutivu no funsaun kontrolu importante ba aktu governu nian tuir lei no polítika ne’ebé adopta.

Jornalista: Zezito Silva

Editora: Rita Almeida

HUSIK IDA HATÁN