Selingkuh – Kamamentu – Kazamentu no Cerai: Kisah Sandiwara Cinta “Polítika” FRETILIN – CNRT

0
404
Hakerek Na’in: João Almeida, Servisu iha Fundasaun Mahein.

OPINIAUN (TATOLI)–Eleisaun 22 Jullu 2017 rezultadu hatudu partidu lima maka liu barreira 4% no la iha partidu ida maka manan maioria absoluta. FRETILIN hanesan partidu mais votadu daudaun ne’e halo kontaktu no diálogu ho partidu sira ne’ebé iha asentu parlamentu nasionál. Diálogu dahuluk hahú ona ho CNRT maibé la iha rezultadu absoluta ruma mantein ba opozisaun nune’e mós hein ba diálogu segunda volta no diálogu tuir mai ho PLP nafatin ho nia pozisaun ba opozisaun iha Parlamentu Nasionál. Diálogu ne’ebé hanesan ho PD la rezulta buat ruma no hein mós ba diálogu segunda volta no tuir mai ho KHUNTO.

 To’o agora seidauk serteza loloos kona-bá formasaun governu portantu haree ba diálogu sira ne’e seidauk rezulta konkluzaun final forma governasaun oinsá maka sei akontese. Husik hela tiha ida ne’e, haree ba kotuk bainhira Bloku Governu Koligasaun (BGK) 2012-2017 monu iha dalan klaran 2015 ho remodelasaun no rezignasaun Xanana Gusmão husi Primeiru Ministru. FRETILIN nia bonita hakiak ida monu ba Maun Bonito nia matan.CNRT hanesan partidu manan eleisaun 2012 hatudu Primeiru Ministru mai husi partidu opozisaun FRETILIN. Maibé FRETILIN rejeita katak FRETILIN la tama iha governu maibé fó de’it nia ema hodi envolve iha governu. SANDIWARA CINTA “polítika” ida ne’e ho istoria naruk tebes no hato’o ona iha artigu dahuluk kona-bá “Kawin – Cerai no Selingkuh: Istilu Kazamentu Polítika Timor-Leste nian” ne’ebé públika ona iha tinan klaran 2016. To’o iha ne’e espekulasaun ne’ebé la’o iha públiku katak Maun Bonito hahú SELINGKUH ona ho FRETILIN no hahú kedas ho KAMAMENTU. Posibilidade família boot rua sei tuur hamutuk ho festa boot iha KAZAMENTU 2017. Espekulasaun ida ne’e mós halo bonita sira seluk SAKIT maibé iha nonook nia laran no iha tempu hanesan bonita foun ida mosu husi jardín Ai tarak-Laran ho lian kro’at los hatete ba nia maun na’in rua kona-bá KAMAMENTU no SELINGKUH ne’ebé durante ne’e akontese estraga buat barak. KEMESRAAN ida ne’e lori to’o iha Eleisaun Prezidensiál 2017 ho apoiu Xanana Gusmão no CNRT nian lori Prezidente FRETILIN Francisco Guterres Lú-Olo ba Prezidente Repúblika ba períodu 2017-2022 ho primeira volta de’it.

La kleur de’it hakat ba Eleisaun Parlamentár 2017 FRETILIN iha nia kampaíña ko’alia katak FRETILIN MANAN XANANA MANAN no Sekretariu Jeral FRETILIN Dr. Mari Alkatiri hatete mós FRETILIN Manan Konta mós ho Kompadre Xanana. Maibé Maun Bonito ho CNRT lian seluk iha nia kampaíña katak karik CNRT la manan maioria absoluta CNRT sei ba opozisaun. Nune’e hafoin rezultadu eleisaun valida husi Tribunal Rekursu kontaktu no diálogu entre partidu polítiku sira mós la’o namanas. FRETILIN hanesan partidu ne’ebé manan eleisaun (maioria simples) koko formalize KAMAMENTU ne’e ka ho lian seluk KAZAMENTU entre FRETILIN ho CNRT. Maibé Maun Bonito sees-an ho nonook nia laran to’o agora. Hotu-hotu ne’ebé FRETILIN hasoru la iha ida maka simu pedidu KAZAMENTU FRETILIN nian.

Ne’e hanesan iha múzika Broery Marantika hananu nune’e “kemesraan antara kita berdua sesungguhnya keterpaksaan saja dan sebagai pelengkap sandiwara”.Karik ne’e tamba konsekuensia husi SELINGKUH no KAMAMENTU dan sebagai pelengkap sandiwara?FRETILIN buka ko’alia ho hotu-hotu “cari jalan terbaik”. Maske“berawal dari manisnya kasih sayang” maibé Maun Bonito diside ona katak CERAI (sai opozisaun). Iha lidun seluk múzika Broery Marantika hananu mós “semuanya terserah padamu aku begini adanya ku hormati keputusanmu apapun yang akan kau lakukan (kau katakan).

Ho nonok ne’e mós posibilidade seluk PISAH RANJANG de’it, ho lian seluk FRETILIN la’o mesak maibé Maun Bonito nafatin tau matan ba família ka “Akordu Insidénsia Parlamentár”. Maibé ida ne’e mós seidauk serteza loloos tanba Maun Bonito nia nonok no sees-an husi sira hotu. Iha istória ida ne’e múzika Ebiet G Ade hananu mós“Berita Kepada Kawanperjalanan ini terasa sangat menyedihkan, sayang enkau tak duduk disampingku kawan. Perjalanan ini pun seperti jadi saksi, …tetapi semuanya diam, tetapi semuanya bisu, tinggal aku sendiri, …. mungkin Tuhan bosan melihat tingkah kita yang selalu salah dan bangga dengan dosa-dosa atau alam mulai enggan bersahabat dengan kita, coba kita bertanya pada rumput yang bergoyan”.

Ho istória badak no múzika sira iha leten ne’e, los duni katak kultura demokrasia maka la’o nune’e duni! Ho esforsu lider nasionál sira nian sei to’o iha konkluzaun ida kona-bá formasaun VII Governu Konstitusionál. Nune’e posibilidade bele formalize KAMAMENTU husi SELINGKUH no KAZAMENTU iha tempu ida ne’e. Posibilidade seluk KAZAMENTU FOUN no AMP bele repete iha tempu ida ne’e mós (AMP II). Ikus liu PISAH RANJANG de’it Maun Bonito nafatin tau matan iha família ho  “Akordu Insidénsia Parlamentár”.

Hakerek Na’in: João Almeida, Servisu iha Fundasaun Mahein.

HUSIK IDA HATÁN