Sarjentu Polisiál 121 Termina Formasaun

0
187
Foto dokumentasaun mídia PNTL.

DILI, (TATOLI) – Ministru Interiór, Longuinhos Monteiro hateten formasaun sarjentu Polísia Nasionál Timor-Leste (PNTL) hamutuk 121 inklui nasaun Guine Bissau no São Tome Prinsipe termina ona formasaun.

“Membru Polísia Nasionál Timor-Leste tuir formasaun sarjentu hamutuk 114 inklui nain hitu hosi nasaun komunidade dalen portugés, ohin remata ona formasaun”, dehan Ministru interiór, Longuinhos Monteiro nia diskursu iha ámbitu enseramentu formasaun iha akademia PNTL Komoro, ohin.

Ministru Interiór, Longuinhos Monteiro husu formandu sarjentu polisiál atu hatudu profesionalizmu ba futuru seguransa PNTL nian iha rai laran.

“Formandu sarjentu hosi Polísia Nasionál Timor-Leste tenke profesionál ba futuru seguransa PNTL nian, nune’e bele garante liberdade sidadaun nian”, hateten nia.

Formasaun sarjetu durante fulan ualu ho formasaun ezersísiu báziku ho dezempeña funsaun ho koreta liuhosi kualidade profesionál no kapasidade kompeténsia hodi halo intervensaun espesializada iha prevensaun risku.

VI Governu Konstitusionál kontinua implementa planu estratéjiku ne’ebé abranje hodi responde realidade tuir fazeadamente ne’ebé abranje kestaun prevensaun risku ba estabilidade sosiál no kombate krime, kontrolu fronteira, área tasi nian no protesaun sivíl no seluk tan.

Implementasaun planu estratéjiku seguransa rai laran 2030 atu garante dezempeñu no respeita pás, seguransa no estabilidade, rezulta mós kursu sarjentu ba PNTL dahuluk iha ámbitu faze dahuluk dedika hodi konsolida baze seguransa espesiál reforma dezenvolvimentu instituisaun.

Jornalista: Zezito Silva

Editora: Rita Almeida

HUSIK IDA HATÁN