Réjime Kontributivu, KFP Hahú Simu Pedidu Reforma

0
190
Prezidenti KFP, Faustino Cardoso.

DILI, (TATOLI) – Prezidente Komisaun Funsaun Públika (KFP), Faustino Cardoso informa katak atu tama ona ba implementasaun réjime kontributivu ezije funsionáriu sira ho tinan 60 hatama ona sira-nia rekerimentu hodi hetan reforma.

“Ikus ne’e, Komisaun Funsaun Públika mós simu pedidu barak ba reforma nian”, Prezidente, Faustino Cardoso relata ba jornalista sira iha MNEK (Ministériu Negósiu Estranjeiru no Kooperasaun), Praia dos Coqueiros, ohin.

Tanba funsionáriu ne’ebé mak durante ne’e goza rézime tranzitóriu, konsidera katak sente seguru. “Tanba ida ne’e sira ne’ebé uluk sei setengah-setengah agora ne’e avansa momós de’it husu sira-nia pedidu atu goza sira-nia reforma”, haktuir.

Nia relata tan katak agora, nia parte simu pedidu barak kona-ba reformasaun nian no sei prosesa hela.

“Ha’u la hatene númeru ezata mak hatama pedidu maibé uma vez sira ne’ebé hatama ona ne’e komisaun prosesa hamutuk ho ministériu solidariedade sosiál”, prezidente KFP ne’e akresenta.

Jornalista: Rafy Belo

Editora: Rita Almeida

HUSIK IDA HATÁN