Progresu Indústria no Kooperativa mak Estabelese Sentru Tolu

0
56
Foto MAE

DILI, (TATOLI) – Diretór Nasionál Indústria Transformadora, Francisco Xavier hatete progresu ne’ebé Ministériu Komérsiu Indústria no Ambiente (MKIA) atinje liuliu iha Diresaun  Jerál Indústria no Kooperativa  mak harii ona Sentru Ustin, Sentru Inkubadora no Sentru Metalúrjika.

Sentru tolu ne’e estabelese liuhusi orsamentu transferésia públika nian ne’ebé mak atu fó atendimentu gratuitu ba grupu no komunidade sira ne’ebé atu mellora sira-nia koñesimentu sira iha sentru sira hanesan Ustin iha Kaikoli mak sobre soldajen nian, inkubadora iha Natarbora mak oinsá halo prosesamentu ba ai-han no mertalúrjika nian mak prosesa mármore ne’ebé estabelese iha Metinaru.

“Liuhusi sentru tolu ne’e ita transfere koñesimentu ba ita-nia grupu sira. Daudaun ne’ebé la’o iha Ustin fó gratuitu ba grupu sira ne’ebé atu mai hetan formasaun no iha Natarbora mós hanesan no metarlújika mós grupu ida ne’ebé mak organizadu no sira mak jere”, Francisco hatete iha Bairru Pité.

Sentru tolu ne’e iha pesoál husi ministériu nian ne’ebé destaka iha fatin sira ne’e no ema sira ne’e iha koñesimentu di’ak ne’ebé iha espesialidade ba prosesa ai-han iha inkubadora Natarbora nian, iha metalúrjika metinaru mós ema ne’ebé iha kapasidade kona-ba prosesamentu mármore no Ustin mós ema ne’ebé iha koñesimentu sobre soldajen sira.

“Tanba iha munisípiu sira presiza bainhira sira atu halo infraestrutura ruma sira presiza soldajen entaun barak mak seidauk hatene entaun sira presiza mai aprende iha fatin ida ne’e para hodi hatene oinsá mak halo soldajen ba besi”.

Aleinde ne’e la’ós sentru tolu ne’e de’it mak fó progresu maibé iha servisu balun ne’ebé halo hanesan indústria tua no naan maibé ministériu seidauk iha dadus sobre benefísiu hira mak ba iha komunidade maibé aban-bainrua sei hatudu dadus sobre progresu sira ne’e no avansu seluk mak Indústria Masin iha Ulmera, Atabae ne’ebé substitui no responde ba nesesidade merkadu.

Jornalista: Maria Auxiliadora

Editora: Rita Almeida

HUSIK IDA HATÁN