PM Entrega Sertifikadu Apresiasaun ba Membru Governu

0
89
Reuniaun ikus Konsellu-Ministru nian no entrega sertifikadu apresiasaun ba membru Governu tomak. Foto/GPM.

DILI, (TATOLI) – Primeiru-Ministru, Rui Maria Araújo iha natureza  reuniaun ikus Konsellu-Ministru nian, loron 22 fulan-agostu 2017 entrega sertifikadu apresiasaun ba membru Governu tomak ne’ebé servisu hamutuk durante tinan rua ho balun.

Entrega sertifikadu apresiasaun nian ne’e ba membru governu na’in-41 hanesan símbolu rekoñesimentu ba esforsu tomak ne’ebé hala’o iha Governu Konstiusionál da-neen nian durante tinan rua ho balun bainhira VI Governu Konstitusionál ne’ebé simu pose iha 16 fevereiru 2015 iha Palácio Nobre Lahane no sei remata iha tinan 2017.

Sekretáriu Estadu Konsellu-Ministru, Avelino Maria Coelho da Silva ba jornalista sira iha Palásiu Governu informa iha última reuniaun ne’e iha ajenda rua mak aprova ata Konsellu-Ministru uluk sira ne’ebé balun seidauk nune’e ohin aprova tiha ona no ajenda seluk mak PM fó agredesimentu ba membru Konsellu-Ministru sira.

“Sei informál hela tama maun Boot Kay Rala Xanana Gusmão sei sai hela, ne’ebé mai fali mak sei halo serimónia ida para despedida membru Governu sira-nian”.

Avelino relata iha serímonia ne’e membru Governu balun hato’o sira-nia hanoin no lia-menon ruma.

“Ida ne’e mak ohin aborda iha última reuniaun Konsellu-Ministru maibé Governu jestaun la’o nafatin embora laiha ona reuniaun Konsellu-Ministru to’o tomada pose Governu foun, Governu ne’e sei hala’o ninia knaar, sei iha kontaktu entre ministru sira ou ita dehan entre ministeriál  para servisu balun ne’ebé tenke kontinua fó superintendénsia to’o Governu foun simu pose”.

Bainhira  Governu Konstitusionál dahituk formadu ona ministru, vise no serkretáriu ida-idak sei entrega ninian servisu no rekomendasaun ba membru Governu foun ne’ebé sei mai. Jornalista: Maria Auxiliadora

Editora: Rita Almeida

HUSIK IDA HATÁN