PM Agradese Servisu Mídia Durante Governasaun Da-Neen

0
47
Primeiru Ministru iha lansamentu livru retratu mandatu governu. Foto Tatoli/Antonio Goncalves

DILI, (TATOLI) – Primeiru Ministru, Rui Maria de Araújo agradese servisu órgaun komunikasaun sosiál liuhosi apoiu kobertura ba funsionamentu dovernasaun da-neen.

“Ha’u aproveita momentu ne’e hosi agradese ba mídia sira tantu imprime no elektrónika tanba servisu governu da-neen mídia bele kontribui hodi halo kobertura no divulga informasaun ba públiku durante mandatu governu iha tinan rua ho balun”, dehan Xefe Governu iha konferénsia imprensa hafoin lansamentu retratu governu da-neen iha Ministériu Negósiu Estranjeiru no Kooperasaun (MNECK), Praios dos Coqeiros, sesta (4/8).

Nia dehan, servisu kobertura mídia bele ajuda funsionamentu governasaun da-neen hodi esklarese di’ak liu tan ba povu liuhosi publikasaun informasaun.

“Mídia halo kobertura ba servisu governu to’o mandatu remata, nune’e hein katak informasaun sira ne’e bele esklarese nafatin ba sidadaun kona-ba prosesun governasaun nian”, dehan nia.

Entretantu, governu Konstitusionál da-neen simu posse iha loron 16 fevereiru 2015, hatur nia kompromisu ho onra sentidu Estadu, banati ba Konstituisaun Repúblika Demokrátika Timor-Leste nian, fó ninia esforsu tomak hodi serbi ba interese nasaun no ba povu Timor-Leste.

Konjuntura polítika halo mosu governu da-neen tau iha kabas ho responsabilidade duplu relasiona ho kaer destinu, la’os de’it nu’udar país maibé mós povu.

Jornalista: Zezito Silva

Editora: Rita Almeida

HUSIK IDA HATÁN