Ohin, Turista 1900 Vizita Timor-Leste

0
222
Turista Ró pasajeiru P&O Pacific Eden ne'ebé vízita Timor-Leste, ohin. Foto Tatoli/Egas Cristovão

DILI, (TATOLI) – Ró pasajeiru P&O Pacific Eden ne’ebé tula turista 2000, ohin, vizita Timor-Leste no ema 1900 mak sei bá vizita fatin turizmu iha Dili no munisípiu Likisá liuliu Maubara.
Ró pasajeiru ho rute husi Indónezia no agora iha Timor-Leste ne’e sei kontinua bá fali Austrália.

Diretór Nasionál Turizmu Marketing no Relasaun Internasionál, Ministériu Turizmu, Arte no Kultura, José Quintas informa ba Tatoli, turista sira ne’ebé tuun iha Dili ne’e ho pakote tolu mak husi Mega Tour, Timor Adventure no Dive, Treck and Camp ne’ebé mak sei tula turista sira hodi bá vízita fatin-fatin.

“Nia rute ne’e mak balun sei ba Maubara, bá ita-nia Muzeu Rezisténsia nomós Kristu Rei no sítiu sira iha Dili laran”, José hatete iha Portu Dili, ohin.

Tuir informasaun ne’ebé hetan katak ró ne’e to’o iha Dili kuaze tuku hitu ho balun no besik tuku sia mak turista sira tuun no diretamente sa’e karreta hodi bá halo vizita.

“Orsida tuku neen mak sira filafali ne’ebé kuaze oras ualu hanesan ne’e sira fila ona bá Austrália”.

Jornalista: Maria Auxiliadora

Editora: Rita Almeida

HUSIK IDA HATÁN