MUTL La Konkorda ho Krime

0
96
Asaun pasifika MUTL. Foto Tatoli/Antonio Goncalves

DILI, (TATOLI) – Movimentu Universitáriu Timor-Leste (MUTL) liuhosi ninia reprejentante afirma katak la konkorda ho krime ne’ebé akontese horseik.

“Ami la konkorda ho kríme”, Atanasio Belo ba jornalista sira  iha kampus Ekonomia, Resende-Dili, Universidade Nasionál Timor-Lorosa’e (UNTL), ohin. “Ami lakohi akuza katak ami estudante mak sai autór”.

Akontesimentu espontanea horseik konsege estraga viatura estadu inklui viatura Rádiu Televizaun Timor-Leste (RTTL-Ep), nune’e mós estudante balun afetadu husi gás lakrimogéneu.

Tanba ne’e, ninia parte husu apoiu mídia atu kontrola infiltradór ne’ebé hakarak aproveita manifestasaun MUTL nian ne’ebé ezije atu kansela leilaun kareta prado ba membru Parlamentu Nasionál (PN) lejislatura datoluk.

“Ami husu parte mídia apoiu hodi akompaña nafatin situasaun ida ne’e, ami lakohi ema aproveita situasaun ida ne’e”, hatutan.

Jornalista: Rafy Belo

Editora: Rita Almeida

HUSIK IDA HATÁN