MOE UE Aban Husik Hela Timor-Leste

0
191
Foto espesial

DILI (TATOLI)—Hafoin iha fulan hirak nia laran Misaun Observasaun Eleitoral Uniaun Europeu (MOE UE) ba Eleisaun Prezidensial no Lejislativa hala’o nia servisu, aban, Tersa (08/08) MOE UE sei husik hela Timor-Leste hodi fila hikas iha fin de Setembru.

“Iha fin de Setembru Misaun ida ne’e sei fila hikas mai fali Dili, hodi hato’o sira nia relatóriu final,” haktuir komunikadu ne’ebé MOE UE haruka ba Ajénsia TATOLI, foin lalais ne’e hosi Assistente da Assessora de Imprensa  e Analista de Media

MOE UE ne’ebe lidera housi Sra. Izaskun Bilbao Barandica, membru parlamentu Europeu, to’o iha Dili iha loron 13 Fevereiru, konforme konvite ne’ebé sira simu hosi Governo no autoridade eleitorál sira Timor Leste nian. Iha fulan ha’at resin nia laran Misaun ida ne’e hala’o servisu observasaun nian iha Munisípiu hotu-hotu.  MOE UE nian konta ho ekipa sentral ida ho espesialista eleitoral nain hitu ne’ebá maka akompaña hosi grupu ida kompostu housi Observadór Longu Termu nain 26 (OLT) ne’ebe destaka iha Munisípiu sira hotu. Iha mós delegasaun membru sira Parlamentu Europeu nian ida ne’ebe maka integra hotu iha Misaun ida ne’e.

Bazeia ba mandatu ne’ebé sira iha, MOE UE analiza kuadru jurídiku, servisu administrasaun eleitoral nian, aktividade sira kandidatu no mós partidu polítiku sira nian, kobertura media nian, prosesu votasaun no kontajem, reklmasaun sira, no mós ho publikasaun rezultadu nian. Realiza mós enkontru no debate sira konaba rekomendasaun sira ba area eleitoral oioin iha futuru.

MOE UE sei aprezenta relatóriu finál ida iha Dili iha fin de Setembru, ne’ebé sei inklui mós rekomendasaun konkreta sira atu bele hadia diak liu tan kuadru eleitoral nian iha futuru.

(@tatoli.tl)

 

 

HUSIK IDA HATÁN