Li-li Chen : Ha’u Hakarak Evalua Misaun ONU Iha TL

0
108
Li-li Chen bainhira iha atividade Cofee chat kona-ba “Timorese culture, norms and values which covered the status of women, barlake and uma lulik”. Foto Tatoli: Rafy Belo

DILI (TATOLI)- Peskizadora Li-li Chen peskiza iha Timor-Leste hodi halibur informasaun kona-ba feto sira ne’ebé hetan oan no abandonadu hela, iha tempu misaun ONU (Organizasaun Nasaun Unida) no misaun remata hodi akonsella ba ONU hodi evita situasaun hanesan akontese ba feto sira.

“Ha’u  hakarak hatene oinsa feto sira ne’e bele suporta sira-nia oan bainhira misaun ONU termina nomós ha’u hakarak evalua misaun ONU nian espesialmente oinsa nia afeta ba povu timoroan sira,”  informa peskizadora  husi UF (University of Florida) ba ajénsia Tatoli iha Uma Amérika, Kampus Resende, UNTL, Díli, horseik.

Nia konsidera katak situasaun ne’e akontese ba feto sira maibé dalabarak feto sira la fó sai informasaun tanba sente moe ba sira-nia istória rasik nomós tanba “posibilidade” ta’uk hodi relata sira-nia kondisaun.

“Ha’u hakarak enkoraja sira, tanba dalabarak sira la hateten sai sira nia istória, moe ba sira-nia istória rasik, sei la iha ema ida mak hatene,” hateten kandidatu doutoramentu ba siénsia polítika iha UF (University of Florida) ne’e.

Tanba ne’e, nia hala’o peskiza ida ne’e hodi bele sujere mós ba ONU hodi evita situasaun hanesan akontese.

“Ha’u peskiza, hodi rekolla istória sira ne’e no hakarak relata ba nasaun unida atu nune’e sira bele hanoin di’ak liutan nune’e iha futuru labele iha tan situasaun hanesan ba feto sira,” konklui bolseira Fullbright ho nasiolidade Taiwanes ne’e.

Entretantu peskiza ne’ebé, nia hala’o ne’e, kuaze hala’o iha teritóriu Timor-Leste tomak.

(Jornalista: Rafy Belo)

 (Editór : Manuel Pinto)

 

HUSIK IDA HATÁN