Lejizlatura IV Hatutan Polítika III Lejizlatura Nian

0
45
Prezidente Parlamentu Nasionál (PN), Adérito Hugo da Costa.

DILI (TATOLI) – Prezidente Parlamentu Nasionál, Aderito Hugo da Costa husu ba IV lejizlatura atu kontinua polítika iha setór importante sira ne’ebé durante ne’e III lejizlatura fó atensaun.

Husu ba lejizlatura da-haat mai ho VII Governu Konstitusionál kontinua de’it polítika iha setór importante,” Aderito Hugo ba jornalista sira iha PN ohin.

Nia dehan tan, nu’udar Prezidente Parlamentu Nasionál sei aprezenta relatóriu kona-ba mandatu lejizlatura da-tolu nian iha 21.

Iha relatóriu ne’e sei ko’alia kona-ba lei importante sira ba vida nasaun ne’ebé konsege aprova ona iha III lejizlatura nia mandatu.

Ezemplu lei sira ne’e mak, lei pakote rai nian. Tuir Aderito lei rai komplikadu tebes iha lejizlatura da-rua tan hetan veta polítika maibé adianta ba lejizlatura da-tolu, konsege aprova.

Nune’e mós lei própria-saun nian ka indeminizasaun ba uzu interese públiku, lei baze ba Ordenamentu territóriu, reforma administrative, lei podér lokál, lei eleisaun munisipál nian, polítika desentralizasaun fazeadamente konkretiza lejislasaun ne’e.

(Jornalista : Zezito Silva)

(Editór : Manuel Pinto)

 

HUSIK IDA HATÁN