Inaseitável Xanana Demite hosi Kargu Iha CNRT

0
639
Delegadu kongresu.

DILI (TATOLI)—Konfrensia Nasionál Partidu Kongresu Nasionál Rekonstruksaun Timor-Leste (CNRT), iha Sentru Konvensaun Dili, durante loron tolu (Sesta-Domingu) maioria konfresista sei la aseita ho pedidu demite ne’ebé Kay Rala Xanana Gusmão halo nu’udar Prezidente Partidu CNRT.

“CNRT iha loron ikus Konferensia nian, Dominggu (06/08/) sei fó resposta ba dezisaun Presidente Partidu Kay Rala Xanana Gusmão ne’ebé husu ninia demite an maibé Maioria konfresista sei la aseita ho pedido demite ne,” Fontes TATOLI fó sai foin lalais ne’e.

Entertantu Konfrensia Nasionál Partidu CNRT iha loron daruak hasai rezolusaun hodi afirma pozisaun CNRT katak iha periodu 2017-2022 CNRT prefere sai Opozisaun iha Parlamentu Nasionál, nune’e mós figura CNRT Kay Rala Xanana Gusmão sei la Primeiru Ministru ba VII governu.

“Ha’u prontu servi partidu, maibé la prontu atu sai Primeiro Ministro ho koaligasaun ho sese de’it,”  Xanana Gusmão fó sai iha nia intervensaun antes atu hámosu rezulusaun iha loron ba dala rua konfrensia nian.

Pozisaun hili Opozisaun Partidu CNRT liuhosi konfrensia iha loron ba dala rua Sábadu  (05/08/17) hasai ona resulusaun ho unanimidade, hodi disidi Partido CNRT sai oposisaun iha período 2017-2022.

Rezolusaun ne’ebé hetan apoiu tomak husi konfresista sira hátudu Partido CNRT ninia konsistensia polítika antes no depois de kampañe eleitorál, ne’ebé fó sai ona ba públika husi figura Partidu Xanana Gusmão.

Iha rezolusaun ne’e sita  pontos importante balun tamba bazeia ba rezultadu Elisaun foin lalais, hatudu Partidu CNRT la manan ho votus maioria.

Nune’e mós CNRT desidi ona ba opozisaun, maibé ba intrese nasionál, iha konjuntura politika oras ne’e dadaun, Partidu CNRT  intrega ba Conselho Politika Nasionál-CPN ho Conselho Diretiva Nacional-CDN hamutuk ho Presidente Partidu atu foti dezisaun ne’ebé adekuadu hodi tane as estadu no nasaun Timor Leste nia di’ak.

Entertantu iha konfrensia ne’e kuadros partidu nian nain tolu rezigna husi lista Deputadu maske sira nain tolu rasik hetan ona serteza ba tur nu’udar deputados iha Paralementu Nasionál.

Sira nain tolu, Francisco Kalbuadi Lay nudar sekretáriu Jerál Partidu CNRT, Francisco Guterres, adjunto sekretário Jerál no eis Sekretáriu Estados seguransa, Júlio Thomas Pinto, ho rajaun sai husi lista deputadu tamba partidu la manan maioria iha elisaun 2017 foin lalais, inklui CNRT lákon iha munisípiu ne’ebé kuadros sira hela ba.

Antes ne’e, Sesta (04/08) iha abertura konfrensia nasionál, Xanana Gusmão deklara, demite an hosi kargu Prezidente CNRT tanba derota iha eleisaun foin lalais ne’e.

(@tatoli.tl)

HUSIK IDA HATÁN