Governu Foun Evita Fakar Osan Arbiru

0
139
Peskizadór ONG Luta Hamutuk, Juvinal Diaz

DILI, (TATOLI) – Peskizadór Organizasaun Naun Govermentál (ONG) Lao Hamutuk, Juvinal Diaz husu governu foun ne’ebé mai atu evita fakar osan arbiru, nune’e bele fó benefísiu ba povu iha mandatu tinan lima.

“Ita presiza Governu ida ne’ebé la fakar osan arbiru, la fó benefísiu ba kroni no nia família sira, iha vontade atu luta kontra korrupsaun, iha planu ida ne’ebé sustentável liu ka la depende ba rendimentu minarai”, dehan Juvinal ba ajénsia TATOLI via email tersa ne’e.

Tuir nia investimentu sira ba projetu Tasi Mane ne’e presiza muda no lalika kontinua, tanba nafatin lori TL ba iha ekonomia petrolíferu ne’ebé la sustentável tanba defisil fó retornu.

Atu atinji diversifikasaun ekonomia iha rai laran, tuir nia, dalan primeiru tenke investe Fundu Petrolíferu iha área agrikultura, turizmu, indústria ki’ik, edukasaun no saúde. Aleinde ne’e, prioritiza bee-moos, harii uma no kria kampu serbisu ba povu.

Juvinal hatutan dalan segundu maka investimentu Fundu Petrolíferu (FP) tenke kuidadu liu. Labele foti liu risku no labele uza FP atu selu tusan. “Governu foun labele kontinua dalan tuan ne’ebé Governu iha tinan sanulu ikus ne’e foti”, rekomenda.

Jornalista: Xisto Freitas

Editora: Rita Almeida

HUSIK IDA HATÁN