Governu Da-Hitu Tenke Halo Lejislasaun Asesu Dijitalizasaun Saúde

0
89
Primeiru Ministru (PM), Rui Maria de Araújo

DILI, (TATOLI) – Governu da-neen liuhosi Xefe Governu, Rui Maria de Araújo husu ba governu foun ne’ebé mai tenke halo lejislasaun ba asesu sistema dijitalizasaun saúde na família.

“Governu foun mai tenke halo lejislasaun ida atu asesu ba sistema eh utilizasaun ba sistema iha prosésu dezenvolvimentu hotu iha área saúde nian tanba durante ne’e governu halo esforsu kona-ba polítika implementasaun programa saúde na família iha Timor-Leste”,  Xefe Governu propoen iha ministériu saúde, ohin.

Afirma, atu asesu ba sistema dijitalizasaun saúde na família kuandu iha ona lejislasaun tenke define katak sé de’it mak tenke utiliza sistema ne’e, sé mak bele asesu saida de’it, jestór sira bele asesu ba dadus públiku ou la’e no séluk tan.

“Iha lejislasaun tenke define, setór privadu no públiku bele uza ou la’e tanba sistema ladauk komtempla, neneik bele inkorpora, sé mak bele hetan asesu ba saida de’it, jestór sira bele asesu ba dadus públiku ou la’e”, afirma tan.

Nia hatutan, kuandu ema asesun sistema dijitalizasaun saúde na família presiza iha enkuadramentu legál atu bele define kona-ba kritériu hirak ne’ebé séi kontempla atu bele asesu.

Iha sorin séluk, Vise Ministra Saúde, Ana Isabel Soares haktuir, durante ne’e governu simu insulta barak kona-ba prosesu no progresu servisu iha sistema saúde laran, nune’e Governu Konstitusionál da-neen hanoin katak tenke halo oinsá hodi halo mudansa liu-liu kria sistema dijitalizasaun hodi hafasil servisu ba públiku.

“Ita halo buat balun ona maibé hakarak responde ba preokupasaun komunidade nian hotu mak dalaruma la responde hotu, tanba ne’e semana oin mai mandatu VI Governu hotu ona no kontinua governu foun”, dehan nia.

Jornalista: Zezito Silva

Editora: Rita Almeida

HUSIK IDA HATÁN