Funsionáriu Nomeasaun Polítika Extende To’o Fin Setembru

0
163
Sekretáriu Estadu Komunikasaun Sosiál (SEKOMS) Nélio Isaac Sarmento

DILI (TATOLI) – Sekretariadu Estadu Komunikasaun Sosiál (SEKOMS), Nélio Isaac Sarmento informa, kontratu ba nomeasaun polítiku ne’ebé servisu iha gabinete kada ministériu liu-liu ba membru governu sira sei extende to’o fin Setembru.

“Atu extende profesionais tékniku polítiku sira ne’ebé servisu iha gabinete kada ministériu nian liu-liu ba membru governu sira,” Nélio Isaac Sarmento ba jornalista sira iha Palásiu governu ohin, hafoin reuniaun estraordináriu Konsellu Ministru.

Tuir Nélio desizaun extende iha ona sirkulasaun husi gabinete Primeiru-Ministru  nian konaba saida mak bele halo iha governu jestaun ne’e to’o governu foun hetan posse hafoin entrega knar tomak ba governu foun.

Iha sirkulasaun ne’e hatudu katak jestaun normal ministériu ninian, membru governu sira sei bele kontinua atu halo jestaun no bainhira sei iha buat ruma ho karakter urjente tebes sira bele foti desizaun ba asuntu refere. Maibé servisu normal halo jestaun ba ministériu sira nian bele kontinua to’o hetan governu foun.

(Jornalista: Julia Chatarina)

(Editór : Manuel Pinto)

HUSIK IDA HATÁN