Fronteira Marítima Rezolve Baze Direitu Internasionál

0
1027
Kay Rala Xanana Gusmão

DILI (TATOLI) – Primeiru Ministru, Rui Maria de Araujo salienta, reuniaun ba Komisaun Konsiliasaun Fronteira Marítima entre Timor-Leste ho Australia hahú horisehik, 28 to’o 1 Setembru iha Singapura, rezolve ho baze direitu internasionál.

“Kestaun fronteira Marítima bele rezolve ho baze direitu internasionál, ba halo negosiasaun ho prinsípiu ida ne’e” dehan Xefe Governu, Rui Maria de Araujo bainhira hala’o vizita ba konstrusaun edifísiu Komisaun Funsaun Públika (KFP) iha Matadouru, Segunda (28/8).

Antes ne’e Xefe Governu hateten, delegasaun rua hosi Timor-Leste no Austrália  ho Komisaun Konsiliasaun atu haree kona-ba pozisaun ne’ebé ida-idak defende, nune’e buka solusaun ne’ebé justu ho baze direitu internasionál ba fronteira tasi.

Nune’e, Ministru Planeamentu Investimentu Estratéjiku, Kay-Rala Xanana Gusmão nu’udar xefe negosiasaun molok ne’e, halo hela Preparatóriu tékniku ho ekipa téknika.

Entretantu, Eis Primeiru Ministru, Kay-Rala Xanana Gusmão orgullu ho governu koligasaun ne’ebé harii hosi partidu Frente Revolusionáriu Timor-Leste Independente (Fretilín), Partidu Libertasaun Populár (PLP) no Kmanek Haburas Unidade Nasionál Timoroan (Khunto) hodi fó fiar ba nia atu kontinua lidera Komisaun Konsiliasaun ba asuntu fronteira Marítima entre Timor-Leste ho nasaun viziñu Australia.

Iha fulan Janeiru 2017, tuir istória no iha públiku nia oin, Australia bele konkorda atu negoseia Fronteira Marítima ida permanente ho Timor-Leste, liuhosi komisaun konsiliasaun nia protesaun.

Iha loron 10 fulan-Janeiru 2017, Timor-Leste fó hatene ba Austrália kona-bá ninian intensaun atu denunsia ho unilateral tratadu kona-bá ajusta marítimu determinasaun sira iha Tasi Timor, bainhira foti tiha desizaun ne’e liuhosi rezolusaun Parlamentu nasionál.

Tratadu ne’e provizóriu kona-bá atu la vigora lai partilla rekursu sira iha fulan tolu nia laran liutiha loron notifikasaun, ka bele dehan, hahú loron 10 fulan-Abríl 2017, ho konkordánsia hosi parte rua nian ketak Tratadu Tasi Timor hosi 2002 hamutuk ho nia kuadru regulador sei vigor nafatin tuir nia forma orijinál, hodi garante mós seguransa ne’ebé presiza ba investidór petrolíferu sira, enkuantu sei iha hela prosesu determina fronteira definitivu sira; atu Timor foti hikas arbitrajen rua ne’ebé hala’o hela hasoru Australia tuir Tratadu Tasi Timor, hodi kontribui ba negosiasaun hirak ho boa-fé entre país rua ne’e.

(Jornalista : Zezito Silva).

(Editór : Manuel Pinto)

HUSIK IDA HATÁN