FRETILIN Husu Adia Pose IV Lejizlatura

0
2087
Vise Prezidente, Partidu Libertasaun Populár, Fidelis Magalhães.

DILI (TATOLI) –Tomada Pose ba IV lejizlatura obrigado tenke adia tanba bankada hosi partidu mais votadu FRETILIN submete pedidu ba mesa parlamentu nasionál, nu’udar primeiru razaun aleinde ida ne’e, razaun seluk mak sei hadi’a plenária.

Vise Prezidente Partidu Libertasaun Populár (PLP), Fidelis Magalhães hateten agora bankada sira halo hela diskusaun hodi hadi’a plenária.

“Sira enkontru hela hodi diskute konaba oinsá atu hadi’a plenária tanba iha pedidu husi partidu mais votadu atu hadi’a. Nune’e PLP ho KHUNTO hasoru malu ho Prezidente PN, hodi rona esplikasaun konaba buat hirak ne’e,”  Fidelis Magalhães ba jornalista sira iha Parlamentu Nasionál, Segunda (21/8).

Hatán ba motivu adia, Fidelis argumenta katak, hein rezultadu enkontru.

“Presiza esplikasaun no razaun, ami hein no hakarak rona razaun no motivu saida? Jurídiku ou polítiku. Sei rua ne’e hotu dala ida karik mós oinsá?,” Fidelis tenik tan.

Hodi dehan, importante tenke konsidera rejimentu, tenke konsidera katak konstituisaun dehan ninian mandatu tinan lima. Sei liu husi tinan lima, ami preokupa uitoan. Tenke iha esplikasaun, tanba sá?,” nia duvida

Antes ne’e Prezidente PN, Aderito Hugo Da Costa informa tomada pose lejizlatura dahaat sei akontese ohin loron no sei hahú kedan ho sesaun plenária dahuluk nia ba lejizlatura dahaat, nune’e mós sei iha enserramentu ba lejizlatura datoluk nian.

Tuir nia siklu mandatu tinan lima hahú 30 Jullu 2012 no loloos termina iha 30 Jullu 2017 maibé tanba mudansa kalendáriu eleisaun mandatu ba lejizlatura datoluk hanaruk to’o 18 Agostu ho senáriu ida katak loron 21 Agostu bele mosu lejizlatura dahaat.

(Jornalista: Julia Chatarina)

(Editór : Manuel Pinto)

HUSIK IDA HATÁN