iklan

NASIONÁL, DILI, MUNISÍPIU

FONGTIL Husu Governu Foun Kontinua Dezenvolvimentu Infraestrutura

FONGTIL Husu Governu Foun Kontinua Dezenvolvimentu Infraestrutura

Sekretáriu Estadu Kooperativa, Arsénio Pereira da Silva.

DILI (TATOLI)-Diretór Ezekutivu Forum Organizasaun Naun Governamentál Timor-Leste (FONGTIL), Arsenio Pereira da Silva hatete, Orsamentu Jerál Estadu (OJE) ne’ebé aloka tinan-tinan ba dezenvolvimentu iha ona nia impaktu barak hanesan infraestrutura bázika sira.

“Ezemplu infraestrutura bázika no boot sira, hanesan eletresidade no estrada ne’ebé agora ita haree iha kapitál mezmu iha área remota sira balun seidauk tanba ita mós tenke rekoñese katak ida ne’e prioridade Governu ne’ebé iha no hein katak Governu foun mai fali bele iha kontinuasaun”, Arsenio hatete iha Otél Ramelau, iha ámbitu semináriu nasionál sobre sosiedade sivíl iha monitoria sosiál ba finansa públika, ohin.

Impaktu dezenvolvimentu rai ida ne’e, Arsenio fó ezemplu ba ezekusaun osan Estadu nian hanesan iha área rurál katak uluk ema sei nono bee maibé ho prezensa eletrisidade nian ohin loron bele lalais liu.

Situasaun hirak ne’e parte ida husi impaktu dezenvolvimentu ba to’o iha ne’ebá mezmu iha buat barak mak presiza mellora ba iha futuru tanba ita tenke rekoñese katak Governu la’ós halo milagre maibé mínimu tenke bazeia ba sira-nia planu estratéjiku nia programa sira ne’ebé iha nia impaktu ne’e ba iha ita-nia sosiedade timoroan mas ha’u haree katak iha impaktu barak ba mudansa moris iha rai ida ne’e.

Arsenio hatutan, bainhira halo planu tenke iha planu orsamentu bazeia ba programa refere tanba iha buat rua ne’ebé mak labele sees, kuandu ezekusaun orsamentu mak latuir planu signifika mosu irregularidade.

“Kuandu iha planu, iha programa ho nia planu orsamentu mak latuir fali ninia planu, ida ne’e mak bainhira ita halo monitoring ka halo auditoria mak finding hanesan ne’e, tenke rekomenda ba iha Parlamentu Nasionál depois oinsá hadi’a buat sira ne’e,”  Arsenio fó hanoin.

(Jornalista : Maria Auxiliadora)

(Editór : Manuel Pinto)

 

iklan
iklan

Leave a Reply

iklan
error: Content is protected !!