Estadu Presiza Kria Igualdade ba Povu

0
116
Eis membru Parlamentu Nasionál, Leandro Isaac.

DILI, (TATOLI) – Tinan 18 ona Repúblika Demokratika Timor-Leste livre hosi okupasaun Indonézia, tanba ne’e Estadu presiza kria igualdade hodi hahi hikas povu ninia dignidade liuhosi planu ba libertasaun hosi mukit nia laran.

“Exelénsia Prezidente Repúblika kumpri ninia juramentu tomada pose katak ha’u jura ba Nai Maromak, povu no ba ha’u nia onra rasik, signifika kumpri konstituisaun no lei oan hotu, nune’e automatikamente Estadu no povu sei hetan justisa ho ninia sentidu en-jerál”, eis deputadu, Leandro Isaac ba ajénsia TATOLI via email bainhira husu ninia komentáriu kona-ba loron referendu iha 30 agustu 1999.

Tuir nia, autór ba libertasaun nasionál sira tenke sai lalenok ba povu. Nune’e mós kria igualdade ba povu tomak iha justisa sosiál, fahe rikusoin hanesan liuhusi planeamentu ida ne’ebé sustentável, konkretu no ezekutável no kore povu hosi la hatene lé no hakerek.

Tuir eis líder Conselho Nacional da Resistência Timorense (CNRT) katak, povu seidauk hetan justisa tanba líder nasionál sira la hahi Indonézia nu’udar nasaun ida ne’ebé respeitu prinsípiu Estadu Direitu.

“Iha pontu devista ida ne, ha’u hakarak hateten katak sala ita nian polítika de boa vizinhança ho Indonézia, tanba ita la hahi no rekuñese katak Indonézia mós nu’udar nasaun ida ne’ebé respeita no tau iha ás prinsípiu Estadu Direitu no Demokrátika”.

Hafoin liberta tiha soberania rai maran iha tinan 18 liu-ba, oras ne’e TL kontinua luta ba soberania tasi. Leandro Isaac optimista, TL sei manán soberania tasi tanba lei internasionál ba direitu tasi loke dalan ba TL nia pozisaun.

Jornalista: Xisto Freitas

Editora: Rita Almeida

HUSIK IDA HATÁN