Embaixada EUA organiza Semináriu Annual Dalimak Dezenvolvimentu Judisiál

0
73

DILI (TATOLI)– Misaun EUA nian iha Timor-Leste organiza Semináriu Annual Dalimak Dezenvolvimentu Judisiál, hahú ohin Segunda Feira, loron 28 to’o loron 30 fulan Agostu 2017 iha Hotel Ramelau. Semináriu ba tinan ne’e nian, aprezenta oradór Bernice B. Donald, Juiza ida husi Tribunal Rekursu EUA nian.

Semináriu ne’e sai oportunidade ida ba ofisial judisiál Amerikanu no Timoroan atu fahe sira nia esperiénsia no rekomendasaun sira. Treinu ne’e nu’udar parte ida husi apoiu atuál Embaixada EUA nian atu ajuda hadi’ak kapasidade setór justisa Timor-Leste nian.

Oradór seluk ne’ebé sei ko’alia moos iha semináriu ne’e mak reprezentante husi Embaixada EUA, Departamentu Reseita Doméstika EUA, Fundasaun Ázia no Organizasaun Mundial ba Migrasaun (IOM). Juiz Timor oan liu 30 inklui ofisial husi munisípiu sira partisipa iha semináriu ne’e.

Adjuntu Xefe Misaun EUA Daniel Bischof no Prezidente Tribunal Rekursu Deolindo dos Santos hola parte iha abertura seminariu ne’e.

(***)

HUSIK IDA HATÁN