CNRT Sei Akomoda Interese Povu

0
632
Dionisio Babo

DILI, (TATOLI) – Prezidente Diretiva Nasionál partidu Kongresu Nasionál Rekonstrusaun Timor (CNRT-sigla portugés) afirma, CNRT mantein opozisaun iha Parlamentu Nasionál (PN) ho edukativu no konstrutivu atu akomoda hodi defende interese povu.

“CNRT promete sei halo opozisaun iha Parlamentu Nasionál ho edukativu, konstrutivu no sei defende interese povu  nian, nune’e mós sei muda postura iha opozisaun ho forma akomoda interese povu nian”, afirma Dionísio Babo Soares ba jornalista sira hafoin halo inagurasaun ba edifisiu Ministériu Justisa foun iha Kaikoli, ohin.

Nia haktuir, partidu CNRT iha opozisaun maibé la’os atu la apoia kestaun soberania, pás no estabilidade tanba liuhosi konferénsia partidu CNRT, Konsellu Polítika Nasionál no Konsellu Diretiva Nasionál deside ona hodi apoia kualker formasaun governu.

“Apoia ne’e bele iha opozisaun maibé bele mós iha governu, tanba ne’e mak plataforma opozisaun CNRT opta edukativu no konstrutivu atu hatudu ba povu tomak katak partisipa iha konstrusaun Estadu la’os iha de’it governu maibé iha mós parlamentu ho opozisaun no karik aspeitu seluk ne’e normál”, realsa.

Partidu CNRT felisita ba governu koaligasaun  tanba sira bele hetan plataforma di’ak atu forma governu.

Enkuantu, Partidu CNRT sei hein hela konvite hosi Sekretariu Jerál partidu Fretilin, Marii alkatiri atu bele hasoru ba dala rua nia. (Jornalista : Zezito Silva)

HUSIK IDA HATÁN