BSTL Kompleta Prosesu Sistema Garantia Kréditu

0
152
Governadór Banku Sentrál Timor-Leste (BSTL), Abraão de Vasconselos. Foto Tatoli/António Gonçalves.

DILI, (TATOLI) – Governadór Banku Sentrál Timor-Leste (BSTL), Abraão de Vasconselos hatete BSTL kompleta ona prosesu konsulta ho parte hotu sobre esbosu regulamentu ne’ebé mak atu implementa sistema garantia kréditu.

Abraão dehan BSTL halo ona diskusaun ho banku komersiál sira atu entende didi’ak sira-nian kompromisu atu partisipa iha implementasaun eskema garantia kréditu.

“Banku balun esplika katak sira presiza halo ajustamentu nesesáriu iha sira-nian operasaun tanba implementasaun ne’e iha rekizitu espesífiku balun ne’ebé banku komersiál sira presiza ajusta sira-nian prosedimentu internu. Iha banku balun espresa sira-nian interese hakarak partisipa”, katak Abraão ba TATOLI iha Avenida Bispo de Madeiros, horisehik,

Tanba regulamentu seidauk aprova no sistema garantia la’ós mandatóriu nune’e banku sira ne’ebé mak hakarak partisipa sira tenke husu BSTL atu partisipa.

“Iha dekretu lei, regulamentu ne’ebé Banku Sentrál atu hasai tenke konsulta uluk ho komisaun akompañamentu ne’ebé mak kompostu husi reprezentante ministériu lubuk ida tanba ne’e Banku Sentrál agora daudaun seidauk aprova regulamentu detallu implementasaun ba sistema garantia kréditu”.

Bainhira banku sira ne’ebé hakarak partisipa haruka ona nia aplikasaun no hakarak, husi ne’e mak BSTL foin informa ba públiku tanba daudaun ne’e seidauk to’o iha faze ida ne’e.

“Banku Sentrál prontu, bázikamente papél Banku Sentrál nian prepara regulamentu ba nia implementasaun no halo monitorizasaun no durante tempu hirak ne’e kompleta tiha ona prosesu sira ne’e  no husi Banku Sentrál prontu para implementa semana oin ka fulan ida ne’e konserteza banku komersiál sira tenke prontu atu implementa para ita foin dehan bele”.

Tuir Ministru Koordenadór Asuntu Ekonómiku (MEKAE) no Ministru Agrikultura no Peska (MAP), Estanislau Aleixo da Silva informa Banku Nasionál Komérsiu Timor-Leste (BNCTL-sigla iha portugés), Caixa Geral Depósito, no Banku Mandiri prontu atu loke kréditu liuhusi sistema garantia bankária.

Eskema garantia bankária ne’e, Governu Timor-Leste tau osan depois negosia ho banku komersiál sira ne’ebé aseita risku no sistema ne’ebé Governu tau.

Jornalista: Maria Auxiliadora

Editora: Rita Almeida

Notísia ne’ebé realsiona :

Banku Tolu Prontu Loke Kréditu Liuhusi Sistema Garantia Bankária

HUSIK IDA HATÁN