Bolseiru Cabo Verde, Na’in 24 Mantein 19 Husu Transferénsia

0
289
Sekretáriu Exekutivu, Isménio Martins. Foto: FDCH

DILI (TATOLI)—Sekretáriu Ezekutivu Fundu Dezenvolvimentu Kapitál Umanu (FDCH), Isménio Martins da Silva informa, bolseiru timoroan hamutuk 43 ne’ebé oras ne’e hala’o estudu iha Cabo Verde, na’in 24 mak deside mantein hela no na’in 19 maka hakarak halo transferénsia ba Universidade iha Portugal no Brazil.

“Atu hetan transferénsia ne’e tenkesér liuhusi prosesu konkursu no konkursu ne’e sei hala’o iha Timor-Leste,” Isménio Martins da Silva ba jornalista sira iha Palásiu Prezidenti Nicolau Lobato, Bairru-Pité, Dili, Tersa ne’e.

Ba bolseiru hirak ne’e hakarak fila  tanba aleinde moris iha inseguransa nia laran, antendimentu médiku ladún másimu no prosesu aprendizajen mós kahur ho língua nasionál nasaun ne’ebá nian entaun difikulta bolseiru sira.

Ho ida ne’e mak, Primeiru Ministru hatún ona despaisu nune’e orienta tékniku konjunta hosi Ministériu Edukasaun ho Ministériu Negósiu Estranjeiru nune’e iha tempu badak nia laran dezloka ba iha Cabo Verde hodi bele akompaña besik liu-tan situasaun real iha nasaun ne’ebá katak situasaun refere sei kontinua ka lae.

Hahú tinan 2011, FDCH fasilita ona bolseiru hamuruk 3400 no bolseiru ativu to’o oras ne’e iha 2100 no na’in 1300 maka gradua ona.

(Jornalista: Xisto Freitas)

(Editór : Manuel Pinto)

HUSIK IDA HATÁN