Bee Galloon La Prejudika Saúde Públiku

0
237
Diretór DPORAL, Ângelo Edmundo Belo. Foto/Egas Cristovão.

DILI (TATOLI)—Diretór Departamentu Planeamentu Operasionál Risku Alimentár no Laboratóriu (DPORAL), Ângelo Edmundo Belo hateten, produtu bee galloon  hosi Kompañia Aqua Forty Nine ne’ebé análize hosi laboratóriu nasionál saúde ho rezultadu livre hosi contaminate fíziku, kímiku no mikro biolójiku.

“Rezultadu análize hosi laboratóriu nasionál ne’ebé konsta hodi foti desizaun katak produtu bee galloon  ho Aqua Forty Nine livre hosi perigu ne’ebé bele prejudika ba saúde públiku,” Diretór DPORAL, Ângelo Edmundo Belo ba Ajénsia Tatoli iha nia servisu fatin, Matadouru, ohin.

Rezultadu prova laboratóriu ba bee galloon  hatudu di’ak no livre hosi substánsia perigozu maibé presiza mós tau matan nafatin hodi haree ba nia konsisténsia produsaun ne’ebé kualidade.

Atu fó atensaun ba produtór hodi mantein nafatin produsaun ho kualidade no promove nia produsaun bee iha públiku.

Ho koordenasaun entre AIFAESA ho laboratóriu nasionál saúde ho ekipa DPORAL no DOP-DO inspesiona fatin produsaun kompañia Aqua Forty Nine no rekolle amostra ba produtu bee hodi submete ba análize laboratóriu nasionál Ministériu Saúde.

Rezultadu hosi análize iha laboratóriu nasionál mai AIFAESA iha 17 Agostu 2017 hatudu rezultadu di’ak no kualidade.

Enkuantu, produsaun bee iha Timor-Leste aumenta ba babeik tantu bee garfu ki’ik, natoon no boot (galloon ). Ho dezenvolvimentu teknolojia produsaun bee la’o ho di’ak no moderniza, nune’e presiza tebes kontrola hosi entidade kompetente hanesan AIFAESA no koordenasaun ho entidade hirak seluk.

Produsaun bee iha Timor-Leste barak liu mak konsumu ona hosi komunidade liu-liu bee galloon  tanba ho kustu eh folin baratu maibé dala barak mós nia kualidade inkestionavél iha komunidade nia leet, tan ne’e tenke toma konsiderasaun ba asuntu ne’e hodi garante kualidade bee ne’ebé kolo kadu iha merkadu nasionál.

AIFAESA nu’udar autoridade kompetente hodi inspesiona no fiskaliza atividade komersiál iha Timor-Leste, nune’e liuhosi Departamentu DPORAL koordena ho entidade relevante hodi fó atensaun ba atividade komérsiu.

(Jornalista :Zezito Silva).

(Editór : Manuel Pinto)

HUSIK IDA HATÁN