TL Aprova Proposta Tratadu Proibisaun Arma Nukleár

0
111
Esploisaun Arma Nuklear. Foto Espesial

DILI, (TATOLI) – Timor-Leste (TL) nu’udar nasaun ida hosi estadu membru 122 Organizasaun Nasoen Unida (ONU) sei asina proposta tratadu ida konaba proibisaun arma nukleár iha Sede ONU, Nova Iorke.

Tuir komunikadu ne’ebé ajénsia Tatoli asesu, rejistu ba asinatura iha loron 20 setembru tinan ne’e. Estadu ne’ebé mak asina ona, kompromete situasaun saida de’it sei la dezenvolve, prova, produz, fábrika, hetan, soin ka rai arma nukleár ka dispozitivu esplozivu nukleár sira seluk.

Timor-Leste envolve iha esforsu bandu arma nukleár ne’ebé tulun ona hodi produz deklarasaun konjunta komisaun dahuluk ONU iha 2013 konaba konsekuénsia umanitária ba arma nukleár ne’ebé hateten esplozaun arma nukleár maka ho forma asidentál, kálkulu ida ne’ebé maka sala ka ho forma deliberada, iha efeitu ne’ebé lori estragus (katastrófiku).

Esforsu sira hotu tenke halo hodi hamenus ameasa ba arma sira ne’ebé bele hamate ema barak.

Deklarasaun ne’e hanesan pasu ida husi pasu lubun hodi halo proposta konaba tratadu ne’ebé oras ne’e hetan aprovasaun. Tuirmai, atu garante númeru boot ba asinatura estadu membru sira durante no hafoin asembleia jerál ONU fulan-setembru.

Pozisaun TL la’o nafatin tuir defesa no dame ne’ebé deklara iha 2014 husi eis Primeiru Ministru, Kay Rala Xanana Gusmão.

“Hatan ba krize sira ne’ebé mak umanidade hasoru labele agrava hodi hakarak atu hakotu funu liuhusi funu. Maibé, tenke hakarak harii mundu ida ho dame liuhusi diálogu no husi esforsu ida ne’ebé maka’as liu fali ema nia kbiit, karik presiza, atu hatán ba kauza husi problema sira ne’ebé lori ba terrorizmu, ba rasizmu, ba estrimizmu no ba intoleránsia”, tenik Xanana.

TL partisipa ona iha Tratadu Não Proliferação Nuclear, Tratadu Proibição de Minas, no Convenção sobre as Armas Biológicas e Tóxicas.

Portavós Governu, Ministru Estadu Prezidensia Konsellu Ministru, Agio Pereira hateten TL iha razaun atu orgullu ba ninia kontributu proposta tratadu ida ne’e. “Nu’udar nasaun ne’ebé koñese ona fitar funu nian, ita tenke hamriik metin entre sira ne’ebé laiha dúvida, defende toleránsia no dame.”

Jornalista: Julia Chatarina

HUSIK IDA HATÁN