Timor-Leste Aprezenta Rezultadu ODS iha EUA

0
76
Roberto Soares

DILI, (TATOLI) – Vise-ministru Negósiu Estranjeiru, Roberto Soares reprezenta estadu no governu Timor-Leste partisipa debate polítika nível altu ministeriál kona-ba Objetivu Dezenvolvimentu Sustentável (ODS) durante loron rua, 18 no 19 jullu iha Nova Iorke, Estadu Unidu Amérika (EUA).

Debate ne’e, Timor-Leste halo intervensaun iha plenária hodi aprezenta progresu no dezenvolvimentu no kompromisu Nasaun hodi atinji ODS ne’ebé antes ne’e Nasaun lori péritu no konvidadu husi nasaun barak hamutuk 400 resin hodi partisipa iha konferénsia ODS nian ne’ebé hala’o iha Díli.

“Ha’u aprezenta kona-ba rezultadu ne’ebé mak ita halo kona-ba konferénsia ODS, ao mesmo tempo haree kona-ba Timor-Leste ninia kompromisu hodi halo roteiru rasik iha kontestu implementasaun ODS”, informa governante ne’e liuhusi konferénsia inprensa iha salaun VIP Aeroporto Internacional Nicolau Lobato, Komoro, horseik.

Durante aprejentasaun, nia dehan, hetan apresiasaun tanba roteiru, tarjetu nomós objetivu ne’ebé responde ba programa.

“Partisipasaun ne’e, kontinua manifesta nafatin Timor-Leste nia kompromisu hodi kontribui hanesan nasaun ida ne’ebé mós membru ba nasaun unida”, akresenta.

Entretantu, durante iha Nova Iorke, ninia parte mós partisipa eventu ne’ebé mak organiza ho programa intensivu.

Jornalista: Rafy Belo

Editora: Rita Almeida

HUSIK IDA HATÁN