Sura Husi Horseik To’o Loron 5/15 João Câncio Tama Komarka

0
876
João Câncio da Costa Freitas la'o iha edifisio KAK

DILI (TATOLI)—Tribunál Rekursu (TR) ofisialmente horseik, Kinta (20/07) haruka ona karta notifikasaun ba parte defesa arguido Eis Ministru Edukasaun, João Câncio da Costa Freitas no Ministériu Públiku hafoin TR hasai akordaun ba kazu  refere iha loron Segunda (17/07).

Jerálmente tuir regras ne’ebé Tribunal iha sura hosi loron TR haruka karta notifikasaun ba parte defesa ho ministériu públiko durante loron lima minimun no loron sanuluresin lima maksimun arguido tenki tama ona Kadeia “Prizaun” maske parte defesa hakarak halo rekursu extraordinariu.

Akordaun Tribunál Rekursu kondena arguido João Câncio da Costa Freitas ba pena prizaun tinan haat fulan neen no selu  indemnizasaun ba estadu RDTL ho montante USD 1.410.000,00. Plus ba pagamentu taxa judisial ho montante osan USD 200,00.

Bazeia ba dokumentus TR ne’ebé mak TATOLI asesu haktuir katak, TR absolve arguido hosi krime partisipasaun ekonomiku no negósiu, Artigu 299 codigu penal, Partisipasaun ekonómika no kondena arguido ho Artigu 274, codigu penal, Administrasaun danoza.

Dezijaun TR tuir regras sei iha oportunidade ba parte defesa hodi halo rekursu extraordinariu, maibé iha kontekstu ida ne’e so bele halo rekursu extraordinario bainhira iha evidensia foun ruma hosi kazu ne’e.

Entertantu rekursu extraordinario ne’e karik konsege halo lataka dalan atu hatama arguido iha Prizaun, signifika rekursu extraordinario iha ou la iha Arguido kumpri nafatin pena ne’ebé hamonu ona ba nia.

ho ida ne’e arguido João Câncio da Costa Freitas rasik, horseik, Kinta (20/07) hasoru malu ona ho nia defesa no hein de’it rekerementu hosi Ministeriu Publiku ba Tribunal nune’e nia kumpri dezijaun ne’ebe sai ona.

Antes ne’e, parte defesa halo rekursu tan lakonkorda dezijaun Tribunál Distritu Dili (TDD) fó sentenca ba eis Ministru João Câncio tinan 7 kadeia no selu multa. Ho ida ne’e Defesa aprejenta rekursu ba TR iha tinan 2015 no ikus mai juiz Kolektivu hosi TR hanesan, Deolindo dos Santos, Prezidente, Maria Natércia Gusmão, Relatora, no Guilhermino da Silva. konsege diside “Distinu” Arguido João Câncio da Costa Freitas, tanba arguido komete erru iha prosesu fornesimentu no estabelisementu Televizaun Edukasaun (TVE) ne’ebé la halo tuir prosedimentu normal aprovizionamentu hodi loke tender ba publiku tuir montante osan ne’ebé iha maibé ho ninia kuñesimentu halo ajudikasaun direita ba kompania Larakia husi Darwin.

(Ekipa Kobertura)

 

HUSIK IDA HATÁN