Revoga Lei, SERVE Nakloke ba Kritika

0
59
Diretór Ezekutivu SERVE, Florêncio Sanches ho Supervizora Seniór SERVE, Ana Jeánnie Alexandra de Corte-Real hasoru malu ho Prezidente RAEOA, Mari Alkatiri iha Oekusi. Foto/SERVE.

DILI (TATOLI)—Bazeia ba revizaun lei sosiedade komersiál númeru 4/2004 ne’ebé troka ona nia númeru lei ba 10/2017 simplifika tipu empreza ba haat. Servisu Rejistu no Verifikasaun Emprezariál (SERVE) la taka dalan atu ema bele komenta, krítika no sujestaun.

Supervizora Seniór SERVE, Ana Jeánnie Alexandra de Corte-Real, informa ba dekretu lei anteriór 35/2012  SERVE nian, tipu kompañia iha neen hanesan Empresário em Nome Individual (ENIN), UNIPESSOAL, LDA. (Sociedade Unipessoal por Quotas Limilita), LDA (Sociedade por Quotas Limitada), S.A (Socieadade Anônima), E.P (Empresa Pública) no R.P (Representação Pública) maibé ho dekretu lei foun bazeia ba revizaun lei sosiedade komersiál númeru 4/2004 ne’ebé troka ona nia númeru lei ba 10/2017 simplifika tipu empreza ba haat.

“Tipu empreza sei iha haat nafatin mak sociedade comerciais por quotas no sociedade anônima,  E.P no R.P no la’ós ona neen hanesan uluk iha tipu UNIPESSOAL, LDA ho LDA,” Supervizora Seniór SERVE, Ana Jeánnie Alexandra de Corte-Real informa bainhira hasoru malu iha Matadouru foin lalais ne’e.

Ana esplika, diferensa mak iha dekretu lei foun lahakerek kona-ba kapitál sosiál, maibé kapitál ba rejistu nian de’it no prosedimentu seluk hanesan de’it, nia natureza jurídika la’ós ona UNIPESSOAL, LDA, maibé hakerek tipu sociedade comercial por quotas.

Kona-ba implementasaun ho dekretu lei foun, SERVE sei la aplika ida ne’e imediatamente ohin loron maibé tuir instrusaun legál katak implementasaun ne’e sei halo simultánea hamutuk iha loron 14 Setembru mai mak bele publika ba públiku katak dekretu lei 35/2012 no lei númeru 4/2017 mós revoga ona no iha fali lei foun.

Iha implementasaun no prosedimentu lei foun lahanesan ho lei tuan no lei foun sei implementa iha Setembru ba oin, maibé daudaun ne’e SERVE sei utiliza dekretu lei atuál ho nia implementasaun ho prosedimentu nomós rekezitu no sei iha prosesu tranzisaun hodi bele apreisa ho dekretu lei foun.

Ho dekretu lei foun ne’e, SERVE la taka dalan atu ema bele komenta, krítika no sujestaun maibé sempre iha posibilidade  no kuandu fó sai dekretu lei foun ba públiku ema ida ka rua sei krítika no fó sujestaun SERVE sei buka dalan atu akomoda sujestaun sira ne’e dezde lasai husi kontestu legál nian.

Dekretu lei foun númeru 10/2017 ne’e promulga ona no publika tiha ona iha Jornál Repúblika maibé sempre nesesita tempu balun no SERVE apresia no sei esplika ba públiku oinsá nia implementasaun atu nune’e ema bele hatene katak iha ona mudansa ruma relativamente ho lei ezistente no foun.

(Jornalista : Maria Auxiliadora, Editór : Manuel Pinto)

HUSIK IDA HATÁN