PR Lú Olo “Parabéns” Líder Parpol

0
76
Prezidente eleitu, Francisco Guterres Lú-Olo hakuak malu ho Prezidente Repúblika, Taur Matan Ruak bainhira hasoru iha Palásiu Prezidensiál hodi ko'alia konaba tranzisaun no preparasaun tomada de pose, tersa, (11/4). Foto Tatoli/António Goncalves

DILI (TATOLI)–Prezidenti Repúblika (PR), Dr. Francisco Guterres Lú Olo hato’o parabéns ba líder partidu polítiku (Parpol) sira tanba asegura ona kampanha eleisaun parlamentár.

“Ha’u fó parabéns ba líder parpol sira, militante no apoiante hosi partidu hotu-hotu tanba respeita duni ba komprimisu ne’ebé sira asina,” nia dehan bainhira halo abertura ba workshop eleisaun lejizlativa ne’ebé organiza hosi CNE iha Hotel Timor, Dili, kinta ne’e.

Tuir Lú Olo katak kampanha ida ne’e hatudu maka’as maturidade demokrátika no maturidade sidadaun sira nian.

Maturidade ida ne’e, Xefi Estadu informa, sei haforsa ninia konfiansa iha futuru no iha potensiál dezenvolvimentu sosiál no ekonómiku nasaun ida ne’e.

Nia mós hateten prosesu eleitorál ne’e la’o di’ak la’ós kontribui de’it hosi líder parpol sira maibé mós hosi parte Governu, sosiedade sivíl hanesan Igreja Katólika no organizasaun relijioza sira seluk nomós Komisaun Nasionál Eleisaun (CNE) no Ministériu Interiór ne’ebé promove eventu ida ne’e liuhusi asina paktu unidade no jornada ba páz.

Prezidenti Repúblika mós sauda forsa seguransa no defeza, PNTL no F-FDTL, ne’ebé fó kontribuisaun maka’as hodi asegura páz no estabilidade durante kampanha eleisaun parlamentár.

(Jornalista: Xisto Freitas)

(Editór : Manuel Pinto)

HUSIK IDA HATÁN