Pozisaun Nagardjo Ameasadu iha Grupu A

0
53
Nagardjo (costum mutin) vs Café (costum mean riska kór matak). Imajen Mídia LFA.

DILI, (TATOLI) – Klasifikasaun pontu iha Grupu A Segunda Divizaun Liga Futeból Amadora époka 2017, manas liu-tan, hafoin ekipa Nagardjo FC ne’ebé durante ne’e lidera grupu impata 2-2 ho Café iha jogu ne’ebé hala’o iha Estádiu Munisipál Dili, kuarta (13/7/17).

Maske impata, Nagardjo kontinua lidera Grupu A ho pontu 16, maibé loke hikas dalan ba klube rua seluk hanesan Santa Cruz FC ho pontu 14, DIT FC 13 bele hadau lidera grupu ida ne’e kuandu manán iha jogu tuir mai entre ekipa rua ne’ebé maka sei hala’o iha sesta (14/7/17).

Bainhira Santa Cruz manán maka klube ne’ebé hetan treina hosi Jojo Kampus refere sei lidera ho pontu 17. Sé DIT maka manán, ho pontu 16, hanesan ho Nagardjo maibé DIT hetan diferensia golu di’ak liu.

Nagardjo FC ultrapasa ona jogu 8, manán 4, impata 4 no seidauk lakon. Enkuantu, Café nafatin okupa pozisaun 5, zona dezpromosaun nian ho pontus 5, hosi jogu 7, manán 1, impata 2 no lakon 4.

Golu Café FC hatama hosi Liborio Jeronimo iha minutu 26,45. Entretantu, golu Nagardjo FC hatama hosi Apolinario de Jesus iha minutu 14 no Ezaquiel Moniz 57.

Jornalista: Xisto Freitas

Editora: Rita Almeida

HUSIK IDA HATÁN