PN Adia Diskusaun  ba Rezolusaun Koperasaun TL-Kambodia

0
97
Parlamentu Nasionál. Foto espesiál

DILI, (TATOLI) – Deputadu terseira lejislatura Parlamentu Nasionál, ohin, adia diskusan ba proposta  rezolusaun  númeru 29/III  kona-ba aprovasaun akordu jerál entre Timor-Leste no Reinu Kambodia iha área koperasaun téknika no ekonómia tanba la-prense quorum.

Tuir loloos deputadu 33 tenke marka prejensa, maibè deputadu husi Frente Revolusionariu Timor-Leste Indepèndente (FRETILIN) kuaze 10 resin, Kongresu Nasionàl Rekonstrusaun Timor (CNRT-sigla portugès) menus 10, Partidu Demokràtiku (PD) kuaze na’in 5 no Frente Mudansa maka marka prezensa.

“Prezidente ohin haruka ha’u atu anunsia katak laiha quorum entaun plenària labele la’o ho adia”, dehan sekretària meza PN, Maria Fernanda Lay ba jornalista sira iha uma fukun.

Líder bankada partidu FRETILIN, CNRT, PD no Frente Mudansa maka sei determina hikas orariu diskusaun ba proposta rezolusaun ne’e.

Prezidente PN fó ona atensaun ba deputadu sira atu marka prejensa hodi diskute no aprova lei balun ne’ebé iha ona prosesu finalizasaun antes mandatu remata.

Parlamentu hahú segunda (24/7) to’o tersa ohin, laiha plenària tanba deputadu la- prense quorum.

Jornalista: Agapito dos Santos

Editora: Rita Almeida

HUSIK IDA HATÁN