PM Rui Aprosima PR Promulga Dekretu Lei

0
108
Primeiru Ministru, ohin hasoru malu ho Prezidente Repúblika iha Palásiu Prezidensiál Nicolau Lobato, Bairo Pite. Foto mídia GPM

DILI, (TATOLI) – Primeiru Ministru, Rui Maria de Araújo, segunda (3/7) halo aprosimasaun ho Prezidente Repúblika, Francisco Guterres Lú Olo atu promulga dekretu lei ne’ebé governu aprova hodi dezenvolve setór ekonomia.

PM hateten dekretu governu hirak ne’e importante oinsá atu hetan promulgasaun husi Xefe Estadu, nune’e dudu dezenvovlimentu iha setór ekonomia.

“Semana ida liu ba aprova dekretu lei balun kona-ba rejistu komersiál, tanba lei investimentu privadu iha ona ho mos dekretu lei balun kona-ba oinsá atu dudu presesu iha rejistu negosia nian, liu-liu iha parte ekonomia nian”, dehan nia hafoin hasoru malu ho Prezidente Repúblika.

Dekretu lei ne’ebé governu aprova liuhusi reuniaun konsellu ministru iha loron 27 juñu kompostu husi lei lisensiamentu ba ativadade komersiál ne’ebé aprezenta husi MEKAE, dekretu lei rejistu nasionál navio no seluk tan.

Aprosimasaun ne’e, Rui Maria de Araújo mos aprezenta pontu situsaun seguransa durante kampaña partidu politiku ba eleisaun parlamentár nomos funsionamentu makina estadu durante kampaña ParPol.

ʺEnkontru regulár ho Prezidente Repúblika hodi informa konaba situasaun seguransa durante kampaña semana rua nia laran tanba situasaun la’o di’ak, informa mós kona-ba kestaun governasaun ministériu sira funsiona hanesan bai-bainʺ, dehan tan.

Tuir planu, Francisco Guterres Lú Olo sei halo vizita ba instituisaun FALINTIL-FDTL no PNTL antes eleisaun parlamentár akontese iha loron 22 jullu.

Jornalista: Agapito dos Santos

Editora: Rita Almeida

HUSIK IDA HATÁN