PM Rui: Aeroportu Suai Fasilita Prosesu Esplorasaun Mina

0
1015
Primeiru Ministru, Rui Maria de Araújo hetan intervista hosi jornalista sira. Foto mídia GPM

DILI, (TATOLI) – Primeiru Ministru, Rui Maria de Araújo hateten aeroportu Xanana Gusmão Suai sei fasilita helikoptru kompañia esploradór sira atu para bainhira esplora ona mina iha tasi mane.

Xefe Governu hato’o kestaun ne’e hodi responde preokupasaun públiku ne’ebé oras ne’e preokupa kona-ba funsionamentu aeroportu refere.

“Ita hatene aeroportu ne’e atu fasilita helikoptru no aviaun kompañia conoco-philips bainhira halo esplorasaun mina iha tasi mane tanba distansia husi aeroportu ba fatin esplorasaun besik liu”, dehan ba jornalista sira iha Palásiu Prezidente, horisehik.

Tuir nia, oras ne’e governu iha prosesu atu funsiona aeroportu refere hafoin inagura iha fulan-juñu liuba. “Ami haree hela funsionamentu aeroportu ne’e”, tenik.

Aeroportu Suai konstrui husi kompañia PT.Waskita Karya (Persero),TBK no hetan fiskalizasaun husi konsultan juru tera perunding zaaba ho orsamentu hamutuk $67.691.189,85.

Jornalista: Agapito dos Santos

Editora: Rita Almeida

HUSIK IDA HATÁN