PM ho Embaixadora TL ba Malázia Diskute Planu Koperasaun

0
57
Primeiru Ministru (PM), Rui Maria de Araújo, ohin, hala’o diskusaun ho embaixadora Timor-Leste ba Malázia, Maria Olandina Isabel Caero Alves kona-ba planu koperasaun ne’ebé sei estabelese ho governu Malázia. Foto GPM

DILI, (TATOLI) – Primeiru Ministru (PM), Rui Maria de Araújo, ohin, hala’o diskusaun ho embaixadora Timor-Leste ba Malázia, Maria Olandina Isabel Caero Alves kona-ba planu koperasaun ne’ebé sei estabelese ho governu Malázia.

Tuir Olandina Caero, maske Nasaun rua estabelese ona relasaun bilaterál durante tinan barak, maibé seidauk esplora didi’ak koperasaun iha setór saúde, edukasaun, ekonómia, infra-estutura no seluk tan.

ʺPlanu hirak ne’e maka ohin rona hosi Primeiru Ministru atu esplora, bainhira hala’o ona misaun iha Malázia”, dehan Olandina ba jornalista sira iha Palásiu Governu.

Área ekonomia importante atu estabelese ho Malázia tanba durante tinan 10 resin, depende maka’as ba sasan importasaun hodi Indonézia.

“Área edukasaun, oinsá buka bolsu estudu husi Malázia tanba nasaun ne’e riku, ita mós tenke buka tulunʺ, tenik.

Tuir planu, embaixadora sei desloka ba Malázia hafoin eleisaun parlamentár hodi hala’o misaun durante tinan rua hahú 2017 to’o 2019.

Jornalista: Agapito dos Santos

Editora: Rita Almeida

HUSIK IDA HATÁN