Okupa Kargo Xefia Tenki Kompetente

0
203
Prezidente Funsaun Públika, Faustino Cardoso. Foto KFP

DILI (TATOLI)—Prezidente Komisaun Funsaun Públika (KPF), Faustino Cardoso realsa, ba futuru Komisaun Funsaun Públika sei re-ajenda atu asegura katak ema kompetente mak sei ba tuur tuir pozisaun ne’ebé mak korrespodenten iha instituisaun Governu.

“Kompetente ne’e la’ós apenas koñesimentu maibé ninia abilidade, atitude, komponente tolu ne’e. Ita foin sukat kona-bá koñesimentu, abilidade no atitude ita seidauk iha meiu atu teste ida ne’e,” Faustino dehan iha ámbitu tomada pose ba Funsionáriu Prezidénsia Konsellu Ministru iha Delta Nova, ohin.

Nune’e KFP sei kontinua buka atu investe iha ámbitu ida ne’e maibé pasu ida la’o ona bá oin atu sukat no asegura prosesu konkursu ida ne’ebé objetivu no lalais mak konkursu eletróniku.

Funsionáriu dahuluk ne’ebé tuir selesaun konkursu eletróniku mak hahú husi Serkretária Komisaun Funsaun Públika, Ministériu Justisa, Provedoria Direitu Umanu no Justisa no PCM.

“Ami rekoñese katak ida ne’e seidauk sufisiente maibé ne’e pasu pozitivu ida ita hakat ona bá oin,” Faustino salienta

Maibé atu asegura ema ida nia atitude ne’ebé korresponde ho karraterístika kargu ka pozisaun ne’ebé ema konkorre ba ne’e seidauk iha meiu kona-bá ida ne’e.

Tanba ne’e Komisaun FP sei sertifika hela de’it koñesimentu liuhusi teste eskrita bazeia ba sistema eletróniku maibé iha oin Komisaun Funsaun Públika atu re-ajenda hodi asegura mós ema ida,  prinsípiu mak nia kargu, the right man in the right place katak ema kompetente bá tuur tuir kargu ne’ebé mak korrespondente.

(Jornalista : Maria Auxiliadora)

(Editór : Manuel Pinto)

HUSIK IDA HATÁN