ODS Nian Susesu Depende Konstestualidade Nasaun

0
57
Sekretáriu Jerál G7+, Hélder da Costa. Foto António Goncalves

DILI (TATOLI)—Sekretariu Jerál G7+,  Helder da Costa afirma, susesu implementasaun ODS (Objetivu Dezenvolvimentu Sustentável), ajenda 2030 depende ba nia kontestualidade iha kada nasaun ne’ebé implementa.

Sekretariu Jerál G7+, Helder da Costa ho reprezentante nasaun membru G7+. Foto: G7+

“ODS atu hetan susesu depende ba fatór ne’en,” informa Sekretariu Jerál G7+,  Helder da Costa, foin lalais ne’e iha Ministériu Negósiu Estranjeiru no kooperasaun, Praia dos Coqueiros, Díli.

Nia esplika, fatór sira nee mak hanesan governu nasionál nu´udar ultimate duty-bearers ka dever finál husi ajenda ODS, inklui Timor-Leste uza new deals principles ka prinsípiu akordu foun, kompremísu polítikál sei determina susesu husi implementasaun ODS iha nível nasaun no planeamentu lokál to aliña ODS ho prioridade nasionál no kontestu.

Tuir mai, apoia finansiál husi doadór sira no fokus ba ODS, komunidade no lideransa lokál (governu, akademia, sosiedade sívil, setór privadu no parseiru dezenvolvimentu) no kapasitasaun institusionál hodi implementa no sukat ODS.

Sekretariu ne’e akresenta mós katak Timor-Leste nu´udar fundadór ida husi G7+ hatudu ona ninia komprímisu polítika hodi implementa ODS.

“Ita espera katak governu foun tuir mai (ne´ebé sei forma hafoin eleisaun parlamentár, 22 jullu) sei hatudu nafatin nia komprimisu ba implementasaun ODS,” nia akresenta.

Ba oin, G7+ sei bolu apoiu maka´as ba nasaun sira bainhira ita hakarak halo diferensa, hanesan serbisu hamutuk ho nasaun sira ne´ebé envolve, governu, setór privadu, akademia no parseiru dezenvolvimentu hodi reforsa nia implementsaun ho efetivu.

Ita bolu autór sira hotu atu respeitu mekanizmu ne´ebé eziste no bainhira posível, ho ninia auzénsia, sujere atu hamosu dialogu entre nasaun, lidera husi governu G7+ hodi promove dialogu.

Konduz sistema peskiza no lisaun ne´ebé aprende ona ka identifika iha termu implementasaun ODS no fahe regularmente entre estadu membru G7+.

Fahe progresu implementasaun ODS forum polítika nível altu. “Ha´u espera katak ita sei ajuda malu, reforsa ita-nia relasaun no define ita-nia estratéjia hodi implementa ODS iha nasaun G7+ sira,” nia espera.

Hodi  reforsa katak ho asaun konjunta ita bele fahe oportunidade ba malu hodi kompleta implementasaun ODS, ajenda 2030.

Entretantu nasaun membru G7+  mak hanesan Afghanistan, Burundi, Central African Republic, Chad, Comoros, Côte d’Ivoire, Democratic Republic of Congo, Guinea, Guinea-Bissau, Haiti, Liberia, Papua New Guinea, Sao Tome and Principe, Sierra Leone, Solomon Islands, Somalia, South Sudan, Timor-Leste, Togo no Yemen.

Notísia relevante: http://www.tatoli.tl/2017/07/untl-victoria-university-diskuite-ods-iha-dili/ Nune’e mós kona-ba G7+  bele asesu iha ne’e: http://www.g7plus.org/en

(Jornalista: Rafy Belo, Editór : Manuel Pinto)

 

HUSIK IDA HATÁN