Observa Eleisaun Belun Hetan Treinu Hosi Aústralia

0
25
Foto Espesial

DILI (TATOLI)-Atu sai observador iha eleisaun Parlamentar 2017-2022, iha loron 22 Jullu, Organizasaun Naun Govermental (ONG) Belun iha Sesta, (07/07) hetan formasaun hosi Universidade Nasionál Aústralia iha Dili, Fatuhada, Ótel Tower.

Diretór Ezékutivo ONG Belun Luis Ximenes informa, iha formasaun ne’e partisipantes sira aprende liu kona-bá intervista no priense formulariu perguntas ne’ebé sei uja hanesan mata dalan hodi observa iha eleisaun Parlamentár.

ʺHusi peskiza nivél akademiku ida ne’e  parseiru Belun ho Universidade Nasionál Australia  nian sei hato’o rekomendasaun save ba instituisaun estadu no instituisaun eleisaun atu hadia iha futuru,ʺ Luis Ximenes informa ba Jornalista sira, iha Fatuhada.

Nu’udar observador NGO Belun  iha eleisaun Parlamentár sei konsentra atu haree liu kona-bá lala’ok Partidu Polítiku no partisipasaun Povu iha eleisaun ne’e rasik la’o livre no justo tuir lei haruka.

Tanba haree ba realidade, Belun nota iregularidade  iha eleisaun Prezidensial hamutuk 41 kazus ne’ebé akontese iha sentru votasaun bainhira eleitores sira partisipa iha prosesu votasaun. Erru hirak ne’e ikus mai Belun rekomenda ba Comisaun Nasionál Eleisoen (CNE) no Servisu Tekniku Administrasaun Eleitorál (STAE).

(Jornalista:Agapito dos Santos, Editór : Manuel Pinto).

HUSIK IDA HATÁN