Molok 2017 Ramata TL Tama Ona ASEAN

0
246
Roberto Soares

DILI (TATOLI)—Vise Ministru Negósiu Estranjeiru no Koperasaun (MNEK), Roberto Soares informa, ekipa  nivel altu ASEAN kompromete atu aselera prosesu adezasaun Timor-Leste (TL) ba organizasaun Association of Southeast Asian Nations (ASEAN) molok tinan 2017 ramata

ʺIha  simeira Prezidensia  Filipina sira (ASEAN) kompromete atu aselera ita nia adezasaun ba oin no iha tinan ida sira sei haruka nivel altu sira mai hodi validu Timor-Leste nia preparasaun hotu  iha  Pilar, polítika no seguransa, sosiál no kultura inklui pilar ekonomia,ʺ Roberto Soares informa ba Ajénsia TATOLI iha MNEK foin lalais.

Nu’udar informasaun iha tinan kotuk mós peritus ASEAN sira halo ona avaliasaun kona-bá preparasaun Timor-Leste atu adere ba ASEAN liliu  iha aspeitu politika seguransa, sosial no kultura inklui ekonomia.

Tuir Roberto simera Prezidensia Filipina la konsege debate kona-bá Adezaun TL ba ASEAN tanba Nasaun ASEAN konsentra ba problema rejionál hanesan kazu Korea Peninsula no Súl tasi Cina.

Maski nune’e sira promete sei aselera prosesu adezaun ne’e durante prezidensia Singapura hodi lidera simeira ASEAN iha tinan 2018.

Kona-bá apoiu hosi nasaun Singurpa Roberto dehan agora Singapura sai belun di’ak ida ba Timor tanbá ne’e Roberto fi’ar katak iha lideransa sira nian sei buka meius oinsa atu avansa adezasaun Timor-Leste ba ASEAN.

Tanbá bazeia resulta avaliasaun husi peritus ASEAN iha tinan hirak liuba, indika Timor-Leste iha ona  kondisaun atu adere ba organizasaun rejionál ASEAN.

Oras ne’e dadaun nasaun 10 maka sai nu’udar membru permanente ba organizasaun ASEAN, nasaun sira ne’e kompostu hosi  Malazía, Filipina, singapura, Vietname, Laos, Myanmar, Kambodia, Indonézia, Brunai Darusalam no Thailandia.

ASEAN hari’i iha loron 8 Agostu 1967 iha sidade Bangkok-Thailandia husi nasaun sira iha rejiuan Asia ho objetivu atu fortifika dezenvolvimentu ekonomia, haburas kultura no seluk tan iha rejiuan ASEAN.

(Jornalista:Agapito dos Santos, Editór : Manuel Pinto).

HUSIK IDA HATÁN